डिभे आणि वडज धरण 100 टक्के भरले; मात्र जुन्नर तालुका अद्यापही पावसाच्या प्रतिक्षेत
कुकडी प्रकल्पाअंतर्गत असलेल्या धरणामध्ये आजमितिला 21.66 टक्के टिएमसी ( एकूण साठा 72.99 टक्के) पाणीसाठा झाला असल्याची माहिती नारायणगाव येथील कुकडी पाटबंधरे विभागाने दिली आहे.
जुन्नर/जयवंत शिरतर : कुकडी प्रकल्पाअंतर्गत असले असलेल्या जुन्नर व आंबेगाव तालुक्यातील पाच धरणांपैकी आंबेगाव तालुक्यातील डिभे धरण तर जुन्नर तालुक्यातील वडज धरण हे 100 टक्के भरले आहेत. डिभे धरण हे आंबेगाव तालुक्यात येत असून त्याचा पाणीपुरवठा संपूर्ण नगर जिल्ह्यात व आंबेगावमधील शेतीसाठी कालव्यामार्फत होत असतो. कुकडी प्रकल्पाअंतर्गत असलेल्या धरणामध्ये आजमितिला 21.66 टक्के टिएमसी ( एकूण साठा 72.99 टक्के) पाणीसाठा झाला असल्याची माहिती नारायणगाव येथील कुकडी पाटबंधरे विभागाने दिली आहे. (Dibhe Dam in Ambegaon is 100 per cent full; Junnar taluka is still waiting for rains)
कुकडी प्रकल्पाअंतर्गत येणारे पाच धरणे आणि त्यामधील पाणीसाठा पुढीलप्रमाणे आहे.
येडगाव धरण – 58.84 टक्के माणिकडोह धरण – 53.95 टक्के वडज धरण – 100 टक्के पिंपळगाव जोगा – 45 टक्के चिल्हेवाडी धरण – 96.35 टक्के डिभे धरण (आंबेगाव तालुका) – 100 टक्के
जुन्नर तालुक्यात मुळातच पाऊस कमी झाल्याने जुन्नर तालुक्याला शेतीसाठी सातत्याने वरदान ठरणार पिंपळगाव जोगा हे धरण फक्त 45 टक्के इतकेच भरले आहे. मुळातच हे धरण माळशेज घाटमाथ्यावर असल्याने या धरणात येणारा पाणीसाठा हा घाटमाथ्यावर होणाऱ्या पावसावरच अवलंबून आहे. मुळात मुरबाड आणि कल्याण परिसरात होणारा पाऊस आणि माळशेज घाटात होणारा पाऊस यामुळेच या धरणाच्या पाण्यात साठवणूक होत असते. मात्र यावेळेस माळशेज घाटात म्हणावा असा पाऊस न झाल्याने या धरणात मुबलक पाणीसाठा उपलब्ध झाला नाही.
धरण उशाला अनं कोरड घशाला
याच धरणाच्या पाण्यावर जुन्नर तालुक्यातील शेती तसेच पारनेर तालुक्यातील शेती अवलंबून असते. मात्र यावेळेस धरणातच पाणीसाठा उपलब्ध नसल्याने जुन्नर तालुक्यातील शेतकऱ्याच्या बागायती पिकाचे भवितव्य पावसावर अवलंबून आहे. एवढेच नव्हे तर पारनेर तालुक्यातील शेती व्यवसायाची हिच परिस्थिती राहणार आहे. त्यामुळे या दोन्ही तालुक्यावर दुष्काळाचे सावट हे डोक्यावर आहे. तालुक्यात जरी चार धरणे असली तरी जुन्नर तालुक्यातील शेतकऱ्यांना शेतीच्या पाण्यासाठी “धरण उशाला अनं कोरड घशाला…!” अशी म्हणण्याची वेळ आली आहे, हे मात्र तितकेच खरे आहे. (Dibhe Dam in Ambegaon is 100 per cent full; Junnar taluka is still waiting for rains)
सोशल मीडियावर मिम्सचा पाऊस, ‘आमचा खड्डेमय रस्ता बांधणाऱ्या इंजिनिअरला सोडून इतर सर्वांना इंजिनिअर्स डे च्या शुभेच्छा’https://t.co/Hn19wEcvOv#Engineersday| #Aurangabad|
— TV9 Marathi (@TV9Marathi) September 15, 2021
इतर बातम्या
योजनेत सहभागी व्हा अन् लाखोंची बक्षिसे मिळवा, पशुपालकांसाठी सुवर्ण संधी