Pune traffic : पुण्यात सिग्नल वेटिंगची वेळ वाढवली, वाहतुकीचं अधिक चांगलं व्यवस्थापन करण्यासाठी निर्णय

विविध चौकांत सकाळी तसेच संध्याकाळच्या वेळी मोठ्या वाहतूककोंडीला वाहनधारकांना सामोरे जावे लागते. त्या पार्श्वभूमीवर उपाययोजना वाहतूक पोलिसांकडून करण्यात येत आहेत.

Pune traffic : पुण्यात सिग्नल वेटिंगची वेळ वाढवली, वाहतुकीचं अधिक चांगलं व्यवस्थापन करण्यासाठी निर्णय
पुण्यातील वाहतूककोंडी (संग्रहित छायाचित्र)Image Credit source: tv9
Follow us
| Updated on: Aug 20, 2022 | 7:30 AM

पुणे : गर्दी कमी करण्यासाठी आणि ट्रॅफिक जॅमवर लक्ष ठेवण्यासाठी, पुणे वाहतूक पोलीस विभागाने (Pune City Traffic Police) आता शहरातील मुख्य चौकांमध्ये प्रवाशांसाठी सिग्नल वेटिंगची वेळ वाढवली आहे. 90 ते 120 सेकंदांचा प्रतीक्षा वेळ आता 150 ते 180 सेकंदांपर्यंत वाढवण्यात आला आहे. गेल्या काही महिन्यांपासून शहरातील प्रमुख चौकांमध्ये वाहतूक कोंडी (Traffic jam) आणि वाहनांच्या लांबच लांब रांगा पाहायला मिळत आहेत. काही रस्त्यांवर पुणे मेट्रो प्रकल्पाच्या (Pune metro project) सुरू असलेल्या कामामुळे वाहतूक कोंडी होत आहे, तर खड्ड्यांमुळे प्रवाशांना आधीच अडचणींचा सामना करावा लागत आहे. शहरात वाहनांची संख्या वाढली आहे आणि त्यामुळे रहदारीचे अधिक चांगल्या पद्धतीने व्यवस्थापन करण्यासाठी मार्ग शोधत राहण्याची गरज आहे. त्या पार्श्वभूमीवर हा निर्णय घेण्यात आला आहे.

‘अतिरिक्त गर्दी मिटवण्यास प्राधान्य’

पोलीस उपायुक्त (वाहतूक) राहुल श्रीरामे याविषयी म्हणाले, की वाहतूक जलद होण्यासाठी आणि रस्त्यांवरील गर्दी कमी करण्यासाठी पुणे वाहतूक पोलीस विभागाकडून आता शहरात आवश्यक ती सर्व पावले उचलली जात आहेत. उदाहरणार्थ, गंगाधाम चौकात, वेटिंगची वेळ आता 150 सेकंदांवर गेली आहे, कारण हा चौक मुख्य रस्त्यांना सर्व बाजूंनी जोडतो. तर, अंतर्गत लेन रस्त्यांना कमी वेळ दिला जातो आणि मुख्य रस्त्यावरील वाहतुकीची अतिरिक्त गर्दी मिटवण्यासाठी प्राधान्य दिले जाते. विविध चौकांत सकाळी तसेच संध्याकाळच्या वेळी मोठ्या वाहतूककोंडीला वाहनधारकांना सामोरे जावे लागते. त्या पार्श्वभूमीवर उपाययोजना वाहतूक पोलिसांकडून करण्यात येत आहेत.

हे सुद्धा वाचा

रहदारीचे प्रमाण खूपच जास्त, नागरिकांच्या तक्रारी

अहमदनगर रोड, सिंहगड रोड आणि इतर प्रमुख रस्त्यांवरदेखील स्थानिक वाहतूक कोंडीच्या समस्यांबाबत आवश्यकतेनुसार आम्ही आमच्या वाहतूक अधिकार्‍यांना निर्णय घेण्याच्या सूचना दिल्या आहेत, असे श्रीरामे म्हणाले आहेत. आम्ही रोज गंगाधाम चौकातून स्वारगेटकडे कामानिमित्त प्रवास करत असतो. गेल्या काही दिवसांपासून आम्हाला चौक ओलांडण्यासाठी दोन किंवा तीन लाल सिग्नलवर थांबावे लागत आहे. कारण रहदारीचे प्रमाण खूपच जास्त आहे आणि वाट पाहण्याची किंवा वेटिंगची वेळ वाढली आहे, असे जवळच्या भागातील रहिवाशांनी सांगितले.

Non Stop LIVE Update
'अजित पवार गट फ्रॉड 420 गँग, फार काळ सत्तेत...', कुणाची खोचक टीका?
'अजित पवार गट फ्रॉड 420 गँग, फार काळ सत्तेत...', कुणाची खोचक टीका?.
आता नाही तर कधी ? हातकणंगलेतून लढण्याचा राहुल आवाडे यांचा निर्धार
आता नाही तर कधी ? हातकणंगलेतून लढण्याचा राहुल आवाडे यांचा निर्धार.
मराठा समाजाच्या बैठकीत हाणामारी, लाथा-बुक्क्यांनी मारहाण; बघा व्हिडीओ
मराठा समाजाच्या बैठकीत हाणामारी, लाथा-बुक्क्यांनी मारहाण; बघा व्हिडीओ.
हातकणंगलेत धैर्यशील माने यांची वाट बिकट, भाजपा कार्यकर्त्यांची नाराजी
हातकणंगलेत धैर्यशील माने यांची वाट बिकट, भाजपा कार्यकर्त्यांची नाराजी.
काँग्रेस पक्षाला आयकरकडून नवी नोटीस, इतक्या कोटींचा ठोठावला दंड
काँग्रेस पक्षाला आयकरकडून नवी नोटीस, इतक्या कोटींचा ठोठावला दंड.
तर युतीतून बाहेर पडू पण उमेदवार मागे नाही, बच्चू कडू यांचा थेट इशारा
तर युतीतून बाहेर पडू पण उमेदवार मागे नाही, बच्चू कडू यांचा थेट इशारा.
हर्षवर्धन यांची नाराजी दूर होणार का? फडणवीसांच्या सागर बंगल्यावर बैठक
हर्षवर्धन यांची नाराजी दूर होणार का? फडणवीसांच्या सागर बंगल्यावर बैठक.
गैरव्यवहाराच्या आरोपात अजितदादांनंतर प्रफुल्ल पटेलांनाही दिलासा
गैरव्यवहाराच्या आरोपात अजितदादांनंतर प्रफुल्ल पटेलांनाही दिलासा.
महायुतीत जागा वाटपावरून तिढा कायम, कुठं अंतर्गत रस्सीखेच तर पेच कायम?
महायुतीत जागा वाटपावरून तिढा कायम, कुठं अंतर्गत रस्सीखेच तर पेच कायम?.
भाजपवरून शिंदे गटात अंतर्गत नाराजी,अनेक मतदारसंघ भाजपने स्वतःकडे खेचले
भाजपवरून शिंदे गटात अंतर्गत नाराजी,अनेक मतदारसंघ भाजपने स्वतःकडे खेचले.