Pooja Chavan suicide case | एखाद्याला आयुष्यातून उठवणं बरं नाही, संजय राठोडांनी राजीनामा दिलेला नाही : हसन मुश्रीफ
चौकशी झाल्याशिवाय आरोप करून एखाद्याला आयुष्यातून उठवणं बरं नाही," अशी प्रतिक्रिया ग्राविकासमंत्री हसन मुश्रीफ यांनी दिली. (Sanjay Rathore Hasan Mushrif)
अहमदनगर : “वनमंत्री संजय राठोड (Sanjay Rathore)यांनी राजीनामा दिलेला नाही. यांच्या समर्थनार्थ दिग्रस मतदारसंघात मोर्चादेखील निघालेला आहे. त्यामुळे चौकशी झाल्याशिवाय आरोप करून एखाद्याला आयुष्यातून उठवणं बरं नाही,” अशी प्रतिक्रिया ग्राविकासमंत्री हसन मुश्रीफ (Hasan Mushrif) यांनी दिली. पूजा चव्हाण (Pooja Chavan) आत्महत्या प्रकरणात वनमंत्री संजय राठोड यांचे नाव समोर आल्यानंतर त्यांच्या राजीनाम्याची जोरदार मागणी केली जात आहे. या पार्श्वभूमीवर बोलताना मुश्रीफ यांनी वरील वक्तव्य केले. ते अहमदनगरमध्ये ‘टीव्ही 9 मराठी’शी बोलत होते. यावेळी त्यांनी वेगवेगळ्या विषयांवर भाष्य केले. (Sanjay Rathore has not given resign said Hasan Mushrif)
“वनमंत्री संजय राठोड यांनी राजीनामा दिलेला नाही. यांच्या समर्थनार्थ दिग्रस मतदारसंघात मोर्चादेखील निघालेला आहे. त्यामुळे चौकशी झाल्याशिवाय आरोप करून एखाद्याला आयुष्यातून उठवणं बरं नाही. भाजपची सत्ता गेल्यापासून ते अस्वस्थ आहेत. त्यामुळे काहीही घडलं की महाविकास आघाडी बदनाम कशी होईल, यासाठी भाजप सातत्याने प्रयत्न करत आहे,” असे हसन मुश्रीफ म्हणाले.
ईडीचा वापर करुन अडचणीत आणण्याचा प्रयत्न
यावेळी बोलताना त्यांनी महाविकास आघाडीतील नेत्यांची ईडीकडून सुरु असलेल्या चौकशीबद्दल प्रतिक्रिया दिली. भाजपकडून विरोधी पक्षीय नेत्यांच्या मागे ED लावून त्यांना अडचणीत आणण्याचा आरोप महाविकास आघाडीच्या नेत्यांनी वेळोवेळी केला आहे. यावर बोलताना “ED आणि CBI यांना चौकशी करण्याच्या अधिकारासंबंधी कायदा करू,” असं त्यांनी म्हटलं आहे.
दरम्यान, पूजा चव्हाण आत्महत्या प्रकरणात संजय राठोड यांचे नाव समोर आल्यानंतर त्यांनी निष्पक्ष चौकशी व्हावी म्हणून मुख्यमंत्री उद्धाव ठाकरे यांच्याकडे राजीनामा सोपला असल्याचे सांगितले जात आहे. या बाबत अधिकृत पुष्टी झालेली नाही. त्यांच्या राजीनाम्याचे वृत्त पसरल्यानंतर याबाबत बोलताना ती माहिती खोटी असल्याचे शिवसेना खासदार संजय राऊ त्यांनी सांगितले.
नवनीत राणांच्या जीवीतास धोका? शिवसेनेच्या कथित लेटरहेडवर अॅसिड फेकण्याच्या धमकीमुळे खळबळhttps://t.co/8AaELeT4Uf#ShivSena | #NavnitRana | #letter |
— TV9 Marathi (@TV9Marathi) February 16, 2021
इतर बातम्या :
या लोकांना अत्याचार करायला लायसन्स दिलंय काय? – नारायण राणे
धनंजय मुंडे आणि संजय राठोड दोन्ही प्रकरणं वेगवेगळी, उगाच गल्लत करु नका: संजय राऊत
(Sanjay Rathore has not given resign said Hasan Mushrif)