रुग्णालयात डॉक्टर नसल्याने शिवसेना आमदाराचा पारा चढला; म्हणाले, पुन्हा असं घडलं तर…

आम्ही आल्याच्या नंतर तुम्ही अर्धा तासाने येतात हे काही बरोबर नाही, असं म्हणत पुन्हा जर असं घडलं तर या डॉक्टरांना लाथा घाला. | Shivsena MLA doctor

रुग्णालयात डॉक्टर नसल्याने शिवसेना आमदाराचा पारा चढला; म्हणाले, पुन्हा असं घडलं तर...
काम करायचे असेल तर चांगले करा नसेल करायचे तर तस लिहून द्या.
Follow us
| Updated on: Apr 04, 2021 | 7:33 AM

हिंगोली: नांदेडच्या ग्रामीण रुग्णालयात डॉक्टर नसल्यामुळे भाजलेल्या अवस्थेतील रुग्णांवर ताटकळत राहण्याची वेळ आल्यामुळे शिवसेनेच्या (Shivsena) आमदाराने डॉक्टरांना चांगलेच फैलावर घेतल्याचा प्रकार समोर आला आहे. या घटनेचा व्हीडिओ सध्या सोशल मीडियावर व्हायरल होत आहे. (Shivsena MLA Santosh Banger scuffle with doctor in hospital Nanded Maharashtra)

जखमींना भेटण्यासाठी कळमनुरी विधान सभेचे शिवसेना आमदार संतोष बांगर कळमनुरी येथील ग्रामीण रुग्णालयात दाखल झाले. आमदार दाखल झाले तेव्हा डॉक्टर गणेश बंड्डेवार रुग्णालयात आढळून आले नाहीत. त्यांना बोलवून घेतल्यानंतर आमदार डॉक्टरांवर वर चांगलेच घसरले. काम करायचे असेल तर चांगले करा नसेल करायचे तर तस लिहून द्या. आम्ही आल्याच्या नंतर तुम्ही अर्धा तासाने येतात हे काही बरोबर नाही, असं म्हणत पुन्हा जर असं घडलं तर या डॉक्टरांना लाथा घाला, असा सल्ला उपस्थित कार्यकर्त्यांना दिला. यानंतर आमदार संतोष बांगर यांनी जिल्हा शल्यचिकित्सकांना फोन लावून देत सदर डॉक्टरवर कारवाई करण्याची मागणीही केली.

कळमनुरी शहरातील आठवडी बाजारात गंगाधर चापटे यांच्या घरी शनिवारी दुपारी गॅस सिलेंडरची गळती होऊन घराला आग लागली होती. या आगीत गंगाधर चापटे त्यांची पत्नी मुलगा व मुलगी हे भाजून जखमी झाले . कळमनुरी पोलिसांना घटनेची माहिती मिळताच फायरब्रीग्रेड च्या गाडी सह पोलीस घटनास्थळी दाखल झाले व आग आटोक्यात आणली. जखमींना तात्काळ कळमनुरी येथील शासकीय रुग्णालयात दाखल करून प्रथमोपचार करण्यात आले व पुढील उपचारासाठी नांदेड येथे पाठवण्यात आले.

डॉक्टर काय म्हणाले?

या सगळ्या घटनेनंतर ‘टीव्ही 9 मराठी’ने संबंधित डॉक्टरांशी फोनवरुन संपर्क साधला. त्यावेळी डॉक्टरांनी आपली बाजू मांडताना म्हटले की, ही घटना दुपारी साडेबारा वाजता घडली. त्यानंतर रुग्णांना कळमनुरी रुग्णालयात 12.40 वाजता नेण्यात आले.

येथील डॉक्टरांनी त्यांना नांदेडच्या ग्रामीण रुग्णालयात उपचारासाठी पाठवले. मी दुपारी दोन वाजता जेवणासाठी घरी गेलो होतो. नेमक्या त्याचवेळी साधारण 3.40 वाजता आमदार संतोष बांगर रुग्णालयात आले. मी रुग्णालयात आल्यानंतर माझं काहीही ऐकून न घेता ते माझ्यावर भडकले, असे डॉक्टरांनी सांगितले.

(Shivsena MLA Santosh Banger scuffle with doctor in hospital Nanded Maharashtra)

Non Stop LIVE Update
प्रकाश आंबेडकर यांची मोठी रणनिती, नव्या आघाडीबद्दल दिले संकेत; म्हणाले
प्रकाश आंबेडकर यांची मोठी रणनिती, नव्या आघाडीबद्दल दिले संकेत; म्हणाले.
उदयनराजे यांच्या विरोधात पवार कोणाला देणार तिकीट ? काय म्हणाले पवार ?
उदयनराजे यांच्या विरोधात पवार कोणाला देणार तिकीट ? काय म्हणाले पवार ?.
वसंत मोरे वंचितच्या तिकिटावर लोकसभा निवडणूक लढणार?
वसंत मोरे वंचितच्या तिकिटावर लोकसभा निवडणूक लढणार?.
'अजित पवार गट फ्रॉड 420 गँग, फार काळ सत्तेत...', कुणाची खोचक टीका?
'अजित पवार गट फ्रॉड 420 गँग, फार काळ सत्तेत...', कुणाची खोचक टीका?.
आता नाही तर कधी ? हातकणंगलेतून लढण्याचा राहुल आवाडे यांचा निर्धार
आता नाही तर कधी ? हातकणंगलेतून लढण्याचा राहुल आवाडे यांचा निर्धार.
मराठा समाजाच्या बैठकीत हाणामारी, लाथा-बुक्क्यांनी मारहाण; बघा व्हिडीओ
मराठा समाजाच्या बैठकीत हाणामारी, लाथा-बुक्क्यांनी मारहाण; बघा व्हिडीओ.
हातकणंगलेत धैर्यशील माने यांची वाट बिकट, भाजपा कार्यकर्त्यांची नाराजी
हातकणंगलेत धैर्यशील माने यांची वाट बिकट, भाजपा कार्यकर्त्यांची नाराजी.
काँग्रेस पक्षाला आयकरकडून नवी नोटीस, इतक्या कोटींचा ठोठावला दंड
काँग्रेस पक्षाला आयकरकडून नवी नोटीस, इतक्या कोटींचा ठोठावला दंड.
तर युतीतून बाहेर पडू पण उमेदवार मागे नाही, बच्चू कडू यांचा थेट इशारा
तर युतीतून बाहेर पडू पण उमेदवार मागे नाही, बच्चू कडू यांचा थेट इशारा.
हर्षवर्धन यांची नाराजी दूर होणार का? फडणवीसांच्या सागर बंगल्यावर बैठक
हर्षवर्धन यांची नाराजी दूर होणार का? फडणवीसांच्या सागर बंगल्यावर बैठक.