लवकरच ठाण्यात वर्तुळाकार मेट्रो रेल्वे प्रकल्पाला सुरुवात

ठाणे : ठाणे शहरातील वाहतूक समस्या सोडवण्यासाठी वर्तुळाकार मेट्रो रेल्वे प्रकल्पाची अंमलबजावणी करण्यात येणार आहे. यासाठी राज्य मंत्रिमंडळाच्या काल (5 मार्च) झालेल्या बैठकीत वर्तुळाकार मेट्रो रेल्वे प्रकल्पास मान्यता देण्यात आली आहे. ठाण्यातील दाट वस्तीच्या भागातील वाहतुकीची समस्या यामुळे सुटण्यास मदत होईल. ठाणे शहर परिसरातील वाहतुकीची वाढती गरज भागवण्यासाठी कॉम्प्रिहेन्सीव्ह मोबिलिटी प्लान तयार करण्यात आला आहे. …

TV9 Maharashtra News, लवकरच ठाण्यात वर्तुळाकार मेट्रो रेल्वे प्रकल्पाला सुरुवात

ठाणे : ठाणे शहरातील वाहतूक समस्या सोडवण्यासाठी वर्तुळाकार मेट्रो रेल्वे प्रकल्पाची अंमलबजावणी करण्यात येणार आहे. यासाठी राज्य मंत्रिमंडळाच्या काल (5 मार्च) झालेल्या बैठकीत वर्तुळाकार मेट्रो रेल्वे प्रकल्पास मान्यता देण्यात आली आहे. ठाण्यातील दाट वस्तीच्या भागातील वाहतुकीची समस्या यामुळे सुटण्यास मदत होईल.

ठाणे शहर परिसरातील वाहतुकीची वाढती गरज भागवण्यासाठी कॉम्प्रिहेन्सीव्ह मोबिलिटी प्लान तयार करण्यात आला आहे. त्यामध्ये जलद वाहतूक प्रणाली म्हणून ठाणे अंतर्गत वर्तुळाकार मेट्रो प्रणालीची शिफारस करण्यात आली आहे. त्यानुसार ठाणे महानगरपालिकेने या मेट्रो मार्गिकेचा सविस्तर प्रकल्पदेखील मंजूर केला. या अहवालास आता शासनानेही मान्यता दिली आहे.

ठाणे शहरातील सर्व मेट्रो मार्गिकांच्या दरात एकवाक्यता रहावी म्हणून वर्तुळाकार मेट्रोचे दर हे मेट्रो 4 वडाळा-घाटकोपर-मुलूंड-ठाणे-कासारवडवली या मार्गिकेनुसार राहणार आहेत. या प्रकल्पाची अंमलबजावणी महाराष्ट्र मेट्रो रेल कॉर्पोरेशन (महामेट्रो) मार्फत करण्यात येईल. तसेच, हा प्रकल्प निकडीचा सार्वजनिक प्रकल्प आणि महत्त्वपूर्ण नागरी प्रकल्प म्हणून घोषित करण्यासही मान्यता देण्यात आली आहे.

ठाणे शहर अंतर्गत वर्तुळाकार मेट्रो रेल्वे प्रकल्प हा नवीन ठाणे ते ठाणे या दरम्यान 29 किमी अंतराचा असेल. यामध्ये 20 उन्नत तर 2 भूयारी अशी एकूण 22 स्थानके असतील. सुमारे 13 हजार 95 कोटींच्या या प्रकल्पामुळे 2025 मध्ये दररोज 5 लाख 76 हजार तर 2045 मध्ये दररोज 8 लाख 72 हजार प्रवाशांची वाहतूक करणे शक्य होणार आहे.

कसा असेल वर्तुळाकार मार्ग?

नवीन ठाणे, रायला देवी, वागळे चौक, लोकमान्य नगर बस डेपो, शिवाई नगर, नीलकंठ टर्मिनल, गांधीनगर, डॉ. काशिनाथ घाणेकर नाट्यगृह, मानपाडा, डोंगरीपाडा, विजय नगरी, वाघबिळ, वॉटर फ्रंट, पाटलीपाडा, आझादनगर बस स्थानक, मनोरमा नगर, कोलशेत औद्योगिक क्षेत्र, बाळकुम नाका, बाळकुम पाडा, राबोडी, शिवाजी चौक, ठाणे स्टेशन या स्थनाकांचा वर्तुळाकार मार्गात समावेश असणार आहे.

कमेंट करा

कमेंट करा

Your email address will not be published. Required fields are marked *