LIVE : दिवसभरातील महत्त्वाच्या घडामोडी

LIVE : दिवसभरातील महत्त्वाच्या घडामोडी
Picture

जालन्यात वीज पडून दहा शेळ्या दगावल्या

जालना – जालन्यात वीज पडून दहा शेळ्या दगावल्या, जालना जिल्ह्यातील घनसावंगी तालुक्यातील साळेगाव येथील घटना, काल सायंकाळच्या सुमारास वादळी वाऱ्यासह जोरदार पावसानं हजेरी लगावली, याच दरम्यान शेतात चरायला गेलेल्या शेळ्या एका झाडाखाली थांबल्या असता वीज कोसळली

23/06/2019,2:31PM
Picture

जालना शहराला पाणी पुरवठा करणारी पाईप लाईन फुटली

औरंगाबाद : जालना शहराला पाणी पुरवठा करणारी पाईप लाईन फुटली आहे. पाईपलाईन फुटल्याने लाखो लिटर पाण्याची नासाडी होत आहे. औरंगाबाद जिल्ह्यातल्या पैठण पाचोड रोडवर ही पाईपलाईन फुटली आहे. प्रशासनाने मात्र अद्यापही दुर्लक्ष केलं आहे.

23/06/2019,2:27PM
Picture

पुन्हा एकदा ट्रॅफिक पोलिस आणि व्यापाऱ्यांमध्ये वाद

उल्हासनगर : गाडी उचल्याने नाराज व्यापारी फिल्मी स्टाईलमध्ये रस्त्यावर झोपला, नो पार्किंगमधून गाडी उचल्याने व्यापारी नाराज, टोइंग व्हॅनच्या समोर रस्त्यावर झोपून टोइंग व्हॅनचा रस्ता अडवला, उल्हासनगर कॅम्प नंबर 3 येथील कल्याण – बदलापूर रस्त्यावरची घटना, मात्र उल्हासनगर शहरात कायदा सुव्यवस्थेचे तीन तेरा

23/06/2019,11:31AM
Picture

सोन्याच्या भावात मोठी दरवाढ

सोन्याच्या भावामध्ये मोठी दरवाढ झालेली आहे. आज हा दर विक्रमी दर ठरलेला आहे. दहा ग्रामला 34 हजार 500 असा आजचा भाव आहे. आठवड्या भरात सोन्याचे भाव हे बाराशे रुपयांनी वाढले आहेत.

23/06/2019,11:11AM
Picture

सिन्नर -शिर्डी महामार्गवार अपघात, एकाचा मृत्यू, पाच जखमी

नाशिक येथील सिन्नर-शिर्डी मार्गावर चार वाहनांचा भीषण अपघात झाला आहे. गॅस कंटेनर, असेन्ट कार, स्विफ्ट डिझायर आणि ट्रकच्या भीषण धडकेत तीन महिलांसह पाचजण जखमी, तर एकाचा मृत्यू झाला आहे. ही घटना दातली फाट्याजवळ घडली. अपघातानंतर ट्रक फरारअसून कारचा चक्काचूर झाला आहे.

23/06/2019,11:04AM
Picture

अकोल्यात 20 जणांनी मिळून हॉटेल फोडलं

जेवणाच्या बिलाचे पैसे मागितल्यामुळे अज्ञातांनी थेट अकोल्यातील हॉटेलवर हल्ला केला. या हल्ल्यात त्यांनी हॉटेल आणि गाडीची तोडफोड केली आहे. ही घटना सीसीटीव्हीत कैद झाली असून पोलिसांनी गुन्हा दाखल केला आहे. लवकरच आरोपींचा शोध घेऊन अटक करण्यात येईल, असं पोलिसांनी सांगितले.

23/06/2019,9:12AM
Picture

नागपूरच्या शासकीय रुग्णालयात रुग्ण अर्ध पोटी

नागपूरच्या शासकीय वैद्यकीय महाविद्यालय आणि रुग्णालयातील रुग्ण अर्धपोटी उपाशी आहेत. या रुग्णालयात मेडीकलमधील पोळी करणारं यंत्र बंद पडल्याने रुग्णांना फक्त एक पोळी दिली जाते. मेडीकलच्या किचनमधून रोज 1200 रुग्णांना जेवण दिले जाते. पोळीयंत्र बंद पडल्याने रुग्णांना एका वेळच्या जेवनात फक्त एक पोळी मिळत आहे.

23/06/2019,9:09AM
Picture

छत्रपती संभाजी राजेंचा उस्मानाबाद दौरा

छत्रपती संभाजी राजेंचा उस्मानाबाद दौरा, सोमवारी (24 जून) कळंबमधील देवळाली येथे भेट देणार, 10 वीच्या आत्महत्याग्रस्त विद्यार्थ्यांच्या कुटुंबाचे दुःख जाणून घेणार

23/06/2019,8:48AM
Picture

काश्मीरमध्ये दोन दहशतवाद्यांचा खात्मा

काश्मीरमधील शोपिया येथे लष्कर आणि दहशतवाद्यांमध्ये चकमक सुरु, या चकमकीत दोन दहशतवाद्यांचा खात्मा करण्यात आला आहे. शोपिया येथे लष्कराकडून सर्च ऑपरेशन सुरु करण्यात आलं आहे.

23/06/2019,8:01AM
Picture

रेल्वेच्या तिन्ही मार्गावर मेगाब्लॉक

माटुंगा-मुलुंड स्थानकादरम्यान आणि सीएसएमटी-चुनाभट्टी / वांद्रे स्थानकादरम्यान आज (23 जून) मध्य रेल्वेने मेगाब्लॉक घोषित केला आहे. पश्चिम रेल्वेवर बोरिवली-गोरेगाव मार्गावर ब्लॉक दरम्यान कामं करण्यात येणार आहेत. यामुळे रविवारी तिन्ही मार्गावरील लोकल सुमारे 20 मिनिटे उशिराने धावणार आहेत. दरम्यान, तिन्ही मार्गावर सकाळी 10 ते दुपारी 4 पर्यंत हा मेगाब्लॉक असेल.

23/06/2019,7:36AM
कमेंट करा

कमेंट करा

Your email address will not be published. Required fields are marked *