ताडोबा व्याघ्र सफारीसाठी निघालेल्या पर्यटकांची गाडी नाल्यात कोसळली, 12 वर्षीय मुलीचा मृत्यू, 5 जण गंभीर

सना अग्रवाल असे मृत्यू झालेल्या मुलीचे नाव आहे. (Tourist Vehicle accident near Tadoba Andhari Tiger Reserve sanctuary)

  • निलेश डाहाट, टीव्ही 9 मराठी, चंद्रपूर
  • Published On - 15:10 PM, 1 Dec 2020

चंद्रपूर : ताडोबा-अंधारी व्याघ्र प्रकल्पात सफारीसाठी येत असलेल्या पर्यटकांच्या वाहनाला भीषण अपघात झाला आहे. यात एका 12 वर्षीय मुलीचा मृत्यू झाला आहे. तर 5 जण गंभीर जखमी झाले आहेत. सध्या सर्व जखमींवर रुग्णालयात उपचार सुरु आहेत. सना अग्रवाल असे मृत्यू झालेल्या मुलीचे नाव आहे. (Tourist Vehicle accident near Tadoba Andhari Tiger Reserve sanctuary)

मिळालेल्या माहितीनुसार, आज सकाळी 10.30 च्या सुमारास चिमूर तालुक्यातील कोलारा प्रवेशद्वाराकडून एक वाहन पर्यटकांना घेऊन ताडोबा व्याघ्र प्रकल्पात सफारीसाठी येत होती. त्यावेळी मासळ गावाजवळ भडगा नाल्यात या पर्यटकांचे वाहन कोसळले. यामुळे गाडीतील सर्वच प्रवाशांना गंभीर दुखापत झाली.

यात अपघातात एका 12 वर्षीय मुलीचा जागीच मृत्यू झाला आहे. तर पाच जण गंभीररित्या जखमी झाले आहेत. या सर्व जखमींना आसपासच्या नागरिकांनी रुग्णालयात रवाना केले आहे.

तसेच पोलिसांनी तातडीने घटनास्थळी पोहोचत तपासकार्य सुरु केले आहेत. दरम्यान अपघातग्रस्त झालेले वाहन हे नागपूर येथील असल्याची प्राथमिक माहिती समोर येत आहे.

दरम्यान कोरोनाच्या भीतीमुळे बंद ठेवण्यात आलेले ताडोबा व्याघ्र प्रकल्प तब्बल सहा महिन्यानंतर खुलं करण्यात आलं आहे.  मात्र, कोव्हिडचा शिरकाव रोखण्यासाठी व्यवस्थापनाने काही अटी-शर्ती पर्यटकांसाठी बंधनकारक केल्या आहेत. ज्यामध्ये एका जिप्सीमध्ये आता 6 ऐवजी 4 पर्यटक बसवणे, गर्भवती महिला, 10 वर्षाखालील आणि 65 वर्षांवरील व्यक्तींना पर्यटनासाठी बंदी आणि मास्क, सॅनिटायझर, थर्मल स्क्रिनिंग बंधनकारक करणे इत्यादींचा समावेश करण्यात आला आहे.  (Tourist Vehicle accident near Tadoba Andhari Tiger Reserve sanctuary)

संबंधित बातम्या : 

व्याघ्र प्रेमींसाठी खुशखबर, ताडोबा व्याघ्र प्रकल्प पर्यटकांसाठी खुले

मंदिरात तोकडे कपडे नको, भारतीय पेहरावात दर्शनासाठी या, साईबाबा संस्थानचे आवाहन