गोव्यानंतर आता मुंबई ते सुरत क्रूझ सेवा, तिकीट किती?

गोव्यानंतर आता लवकरच मुंबई ते सुरत क्रूझ सेवा सुरु करण्यात (mumbai to surat cruz service) येत आहे. त्यामुळे आता मुंबईकरांना सुरतलाही क्रूझने प्रवास करता येणार आहे.

गोव्यानंतर आता मुंबई ते सुरत क्रूझ सेवा, तिकीट किती?

मुंबई : गोव्यानंतर आता लवकरच मुंबई ते सुरत क्रूझ सेवा सुरु करण्यात (mumbai to surat cruz service) येत आहे. त्यामुळे आता मुंबईकरांना सुरतलाही क्रूझने प्रवास करता येणार आहे. ही सेवा येत्या 5 नोव्हेंबर रोजी सुरु होणार आहे. वांद्रे-वरळी सीलिंक येथून ही सेवा सुरु होईल. एसएसआर मरीन सर्व्हिसेज मेडेन क्रूझ शिपकडून ही सेवा (mumbai to surat cruz service) सुरु करण्यात येत आहे.

येत्या 5 नोव्हेंबरला पहिली क्रूझ मुंबईहून सुरतसाठी सुटण्याची शक्यता आहे. तसेच या क्रूझमध्ये एका प्रवाशाचं तिकीट 3 ते 5 हजार असेल. मुंबई ते सुरत सेवा प्रत्येक आठवड्याला सुरु राहील, असंही सांगितलं जात आहे.

प्रत्येक गुरुवारी वांद्रे-वरळी सीलिंक येथून संध्याकाळी 5 वाजता एक क्रूझ सुरतसाठी निघेल. तर शुक्रवारी सकाळी 9 वाजता ती सुरत येथे पोहचेल. त्यानंतर सुरतवरुन त्याचदिवशी संध्याकाळी 5 वाजता क्रूझ पुन्हा मुंबईकडे यायला निघेल आणि दुसऱ्या दिवशी मुंबहून पुन्हा सकाळी 9 वाजता सुरतला जाण्यासाठी निघेल.

मुंबई-गोवा जाण्यासाठी जी एकमेव क्रूझ आहे त्याला प्रवाशांकडून मोठ्या प्रमाणात प्रतिसाद मिळत आहे. तसेच क्रूझ सेवा चालवणाऱ्या कंपनीलाही याचा मोठा फायदा होत आहे. मुंबईत आपली सेवा सुरु करण्यासाठी आणि वाढवण्यासाठी गेल्या तीन वर्षात क्रूझ पर्यटनाला महत्त्व दिले जात आहे.

यावर्षी म्हणजे 2019 मध्ये तब्बल 2.32 लाख देशी-विदेशी पर्यटकांनी मुंबई ते गोवा क्रूझने प्रवास केला. 2017-18 मध्ये मुंबईतून एकूण 46 क्रूझ निघाले ज्यामध्ये 56 हजार पर्यटकांनी प्रवास केला होता. 2018-19 मध्ये क्रूझच्या संख्येत वाढ करुन ती 107 केली. त्यामुळे पर्यटकांच्या संख्येत वाढ होऊन ती 87 हजारपर्यंत पोहचली. तसेच 2021 मध्ये देशातील पहिले आंतरराष्ट्रीय क्रूझ टर्मिनल सुरु करण्याची योजना आहे, असं बोललं जात आहे.

कमेंट करा

कमेंट करा

Your email address will not be published. Required fields are marked *