भाडेकरुंची संपूर्ण माहिती पोलिसांना द्या, आयुक्तांचे आदेश

मुंबईत राहणाऱ्या नागरिकांनी आपल्या घरात राहत असलेल्या भाडेकरुंची संपूर्ण माहिती जवळच्या पोलीस ठाण्‍यात द्यावी, असे निर्देश बृहन्मुंबई पोलीस आयुक्तालयाने दिले आहेत.

Mumbai Police, भाडेकरुंची संपूर्ण माहिती पोलिसांना द्या, आयुक्तांचे आदेश

मुंबई : मुंबईत राहणाऱ्या नागरिकांनी आपल्या घरात राहत असलेल्या भाडेकरुंची संपूर्ण माहिती जवळच्या पोलीस ठाण्‍यात द्यावी, असे निर्देश बृहन्मुंबई पोलीस आयुक्तालयाने दिले आहेत (Mumbai Police). त्यानुसार, आता मुंबईत राहणाऱ्या नागरिकांना त्यांच्या भाडेकरुंची माहिती पोलिसांना द्यावी लागणार आहे. दहशतवादी घटना आणि असामाजिक घटकांकडून परिसरातील कायदा, सुव्यवस्थेला धोका पोहोचू नये, यासाठी या सूचना करण्यात आल्या आहेत (Mumbai Police).

दहशतवादी आणि काही असामाजिक घटकांकडून परिसरातील कायदा आणि सुरक्षा व्यवस्थेला धोका पोहचण्याच्या शक्यतेला गृहीत धरुन कलम 144 च्या अधिकारानुसार, महाराष्ट्र पोलीस अधिनियम 1951 चे कलम 10 (2) कलम जारी केले आहे. त्यानुसार, भाडेकरु ठेऊ इच्छिणाऱ्या कोणत्याही घरमालकाने संबंधित भाडेकरुची संपूर्ण माहिती हद्दीतील पोलीस ठाण्यात सादर केल्याशिवाय आपले घर भाड्याने देऊ नये. तसेच, भाडेकरुनेही आपली माहिती विहीत नमुन्यात पोलीस ठाण्यास द्यावी. मालमत्तेचे व्यवहार करणाऱ्यांनीही याबाबतची माहिती देणे बंधनकारक आहे, अशी सूचना बृहन्मुंबई पोलीस आयुक्तालयाने केली आहे.

विदेशी नागरिकाला भाडेकरु म्हणून ठेवायचे असेल, तर संबंधित विदेशी नागरिकाचे नाव, राष्ट्रीयत्व, पासपोर्ट क्र., पासपोर्ट दिल्याचे ठिकाण आणि तारीख, पासपोर्ट वैधतेची मुदत, व्हिजा क्र., वर्गवारी, दिल्याचे ठिकाण आणि तारीख, व्हिजा वैधतेची मुदत आदी माहिती सादर करणे बंधनकारक आहे. या आदेशाचा भंग करणाऱ्या व्यक्तीवर फौजदारी कारवाई करण्यात येईल, असंही या आदेशात नमुद करण्यात आलं आहे. ही माहिती बृहन्मुंबई पोलीस आयुक्तालयाकडून जारी करण्यात आलेल्या एका प्रसिद्धीपत्रका द्वारे कळविण्यात आली आहे.

कमेंट करा

कमेंट करा

Your email address will not be published. Required fields are marked *