VIDEO : हॉर्न वाजवाल, तर सिग्नलवरच थांबाल, मुंबई ट्राफिक पोलिसांची नवी युक्ती

लाल सिग्नलवरही मुंबईकर हॉर्न वाजवणं थांबवत नाहीत. या समस्येवर मुंबई पोलिसांनी चांगलीच नामी युक्ती शोधून काढली (Mumbai traffic police new idea for no honking) आहे.

Mumbai traffic police new idea for no honking, VIDEO : हॉर्न वाजवाल, तर सिग्नलवरच थांबाल, मुंबई ट्राफिक पोलिसांची नवी युक्ती

मुंबई : सकाळ, दुपार, संध्याकाळ अगदी पूर्ण वेळ गजबजलेलं शहर म्हणजे मुंबई. वाहतूक कोंडी, ध्वनी प्रदूषण या सगळ्याचीच अतिशयोक्ती. त्यामुळे कदाचित मुंबईला वाहतूक कोंडी आणि वाहतुकीमुळे प्रदूषणाची राजधानी संबोधलं (Mumbai traffic police new idea for no honking) जातं. या सगळ्याची मुंबईतील वाहन चालकांना इतकी सवय झाली आहे की, लाल सिग्नलवरही मुंबईकर हॉर्न वाजवणं थांबवत नाहीत. या समस्येवर मुंबई पोलिसांनी चांगलीच नामी युक्ती शोधून काढली आहे.

मुंबई पोलिसांकडून प्रायोगिक तत्त्वावर काही निवडक ठिकाणच्या ट्राफिक सिग्नलवर चौकोनी आकाराचे डेसिबल मीटर बसवले जाणार आहेत. या नव्या मीटरमुळे जर सिग्नल रेड असताना तुम्ही गाडीचा हॉर्न वाजवला, तर त्या हॉर्नच्या ध्वनी तीव्रतेची नोंद या मीटरमध्ये होईल. त्यानंतर अवघ्या काही सेंकदाच समोरील सिग्नल पुन्हा रिसेट होईल.

यामुळे तुम्ही जितक्या जास्त वेळा हॉर्न वाजवणार, तितक्या वेळा तो रेड सिग्नल पुन्हा पुन्हा रिसेट होणार आणि तितका वेळ तुम्हाला तुमच्यासोबत इतरांनाही त्या सिग्नलवर ताटकळत उभं राहावं लागणार, असा हा नवा फंडा मुंबई पोलिसांनी शोधून काढला आहे.

याबाबतचा एक व्हिडीओही मुंबई पोलिसांच्या वतीने शेअर करण्यात आला आहे. उगा कशाला हॉर्न वाजवी..काना येईल बहिरेपणा..वृद्ध, बालक अन् कुणी आजारी..फिकीर त्यांची करा जरा..असे या व्हिडीओवर म्हटलं आहे.

त्यामुळे आता सर्वच मुंबईकरांनी सिग्नलसारखा रिसेट होऊ द्यायचा आणि ताटकळत तिथेच उभं राहायचं. की लगेच आपल्या इच्छित स्थळी लवकरात लवकर पोहोचायचं याचा विचार करावा, असेही मुंबई पोलिसांतर्फे सांगितले जात (Mumbai traffic police new idea for no honking)  आहे.

पाहा व्हिडीओ :

कमेंट करा

कमेंट करा

Your email address will not be published. Required fields are marked *