‘MIM संपूर्ण देशात आपला झेंडा फडकावणार’, बिहारमधील कामगिरीनंतर अकबरुद्दीन ओवेसींना विश्वास

अकबरुद्दीन ओवेसी यांनी शुक्रवारी बिहारमधील विजयी उमेदवारांची भेट घेतली. ओवेसी यांच्या MIMवर मुस्लिम मतांच्या विभाजनाचा आरोप ठेवला जातो. त्यावरही अकबरुद्दीन ओवेसी यांनी आपल्याला पर्वा नसल्याचं म्हटलं आहे.

  • टीव्ही 9 मराठी डिजीटल टीम
  • Published On - 13:30 PM, 15 Nov 2020
'MIM संपूर्ण देशात आपला झेंडा फडकावणार', बिहारमधील कामगिरीनंतर अकबरुद्दीन ओवेसींना विश्वास

हैदराबाद: बिहार विधानसभा निवडणुकीत सर्वांनाच धक्का देत असदुद्दीन ओवेसी यांच्या MIM ने सीमांचल भागातील 5 जागा जिंकल्या आहेत. त्यामुळे MIMचे नेते आणि कार्यकर्त्यांमध्ये चांगला उत्साह संचारला आहे. असदुद्दीन ओवेसी यांचे बंधू अकबरुद्दीन ओवेसी यांनी बिहार निवडणुतील MIMच्या कामगिरीनंतर मोठा दावा केलाय. ‘बिहारमधील MIMचा विजय हा भारताच्या राजकारणात एक नवीन तारिख लिहिल आणि MIM संपूर्ण देशात आपला झेंडा फडकवेल हे संपूर्ण भारत पाहिल’, असं वक्तव्य अकबरुद्दीन ओवेसी यांनी केलं आहे. (Akbaruddin Owaisi’s big statement after MIM’s performance in Bihar)

बिहारमध्ये NDAच्या विजयानंतर आता सत्तास्थानपेसाठी हालचाली सुरु झाल्या आहेत. अशा स्थितीत MIM ने आपल्या 5 आमदारांना हैदराबादमध्ये बोलावून घेतलं आहे. सत्तास्थापनेच्या प्रक्रियेत आपल्या पक्षाचे आमदार फुटू नयेत म्हणून ओवेसींनी आमदारांना हैदराबादमध्ये पाचारण केल्याचं बोललं जात आहे.

अकबरुद्दीन ओवेसी यांनी शुक्रवारी बिहारमधील विजयी उमेदवारांची भेट घेतली. ओवेसी यांच्या MIMवर मुस्लिम मतांच्या विभाजनाचा आरोप ठेवला जातो. त्यावरही अकबरुद्दीन ओवेसी यांनी आपल्याला पर्वा नसल्याचं म्हटलं आहे.

बिहारमध्ये MIMचे 5 उमेदवार विजयी

बिहार विधानसभा निवडणुकीत असदुद्दीन ओवेसी यांच्या MIMने जोरदार प्रदर्शन करत 5 जागांवर विजय मिळवला आहे. सीमांचलमधील कोचाधामन, किशनगंज, अमोर, बहादुरजंग, बैसी, ठाकुरगंज आणि जोकीहाट या विधानसभा मतदारसंघात MIMचे उमेदवार विजयी झाले आहेत.

बिहार विधानसभा निवडणूक प्रचारादरम्यान असदुद्दीन ओवेसी यांनी सातत्यानं काँग्रेस आणि RJDवर टीकास्त्र डागलं. सीमांचल परिसरातील जनतेची उपेक्षा होण्यास काँग्रेस आणि RJDच जबाबदार असल्याचा आरोप त्यांनी केला. त्याचबरोबर ओवेसी आपल्या प्रचारादरम्यान सातत्यानं NRC आणि CAA चा मुद्द्यावर मोठा जोर लावल्याचं पाहायला मिळालं. दरम्यान ओवीसींचा MIM हा भाजपची बी टीम असल्याचा आरोप RJD आणि काँग्रेस करत राहिली.

ओवेसी म्हणजे भाजपचा बिहार निवडणुकीतील मोहरा- शिवसेना

“बिहारमध्ये भाजपचा प्रचंड विजय झाला. त्याचे श्रेय पंतप्रधान मोदी यांनाच मिळायला हवे. त्याचा आनंदोत्सवही साजरा झाला, पण आकड्यांच्या खेळात एनडीएला निसटता विजय मिळाला आहे आणि खरा विजेता 31 वर्षांचा तेजस्वी यादव हाच आहे. भाजपने याच सरशीसाठी निवडणुकीच्या रिंगणात जे मोहरे फिरवले, त्यात असदुद्दीन ओवेसी यांना पहिला क्रमांक द्यावा लागेल”, अशा शब्दात बिहार निवडणूक निकालाच्या भाजपच्या विजयाचं ‘सामना’तून वर्णन करण्यात आलं.

संबंधित बातम्या:

Bihar election result 2020: सीमांचलमध्ये असदुद्दीन ओवेसींच्या MIM चे 5 उमेदवार विजयी, बिहारमध्ये ओवेसींचं महत्व वाढलं

भाजपने निवडणुकीच्या रिंगणात जे मोहरे फिरवले, त्यात ‘ओवेसी’ यांचा पहिला क्रमांक, सामनातून भाजपवर टीकेचे बाण

Akbaruddin Owaisi’s big statement after MIM’s performance in Bihar