VIDEO: स्मृती इराणींच्या सभेत वळू घुसला, अनेकांना पळताभुई थोडी

कानपूर: लोकसभा निवडणुकीच्या पार्श्वभूमीवर सर्व राजकीय पक्षांचा प्रचार शिगेला पोहोचला आहे. देशभरातील चौकाचौकात राजकीय पक्षांचे झेंडे आणि कार्यकर्ते पाहायला मिळत आहेत. नुकतंच केंद्रीय मंत्री स्मृती इराणी यांची उत्तर प्रदेशातील कानपूरमध्ये प्रचारसभा पार पडली. मात्र या प्रचारसभेत एकच गोंधळ उडाला. स्मृती इराणींच्या सभेत अचानक एक वळू घुसला. भर सभेत भल्या गर्दीत अचानक वळू घुसल्याने एकच खळबळ …

, VIDEO: स्मृती इराणींच्या सभेत वळू घुसला, अनेकांना पळताभुई थोडी

कानपूर: लोकसभा निवडणुकीच्या पार्श्वभूमीवर सर्व राजकीय पक्षांचा प्रचार शिगेला पोहोचला आहे. देशभरातील चौकाचौकात राजकीय पक्षांचे झेंडे आणि कार्यकर्ते पाहायला मिळत आहेत. नुकतंच केंद्रीय मंत्री स्मृती इराणी यांची उत्तर प्रदेशातील कानपूरमध्ये प्रचारसभा पार पडली. मात्र या प्रचारसभेत एकच गोंधळ उडाला. स्मृती इराणींच्या सभेत अचानक एक वळू घुसला.

भर सभेत भल्या गर्दीत अचानक वळू घुसल्याने एकच खळबळ उडाली. इतकी गर्दी पाहून वळू बिथरला आणि सैरावैरा धावू लागला. गर्दीमुळे त्याला वाट काढणंही जिकीरीचं झालं. या वळूने अनेकांना मारत, तुडवत, मार्ग काढण्याचा प्रयत्न केला.

एकीकडे स्मृती इराणी भाषण देत होत्या, तर दुसरीकडे हा वळू धिंगाणा घालत होता. त्यामुळे एकच खळबळ उडाली.

15 मिनिटे खळबळ
स्मृती इराणींसाठी विजय शंखनाद सभेचं आयोजन केलं होतं. या जाहीर सभेला स्मृती इराणी संबोधित करत होत्या. त्याचवेळी अचानक एक वळू सभास्थळी घुसला. त्यामुळे एकच पळापळ झाली. सभास्थळी उपस्थित सुरक्षारक्षकांनी 15 मिनिटे मोठी कसरत करुन, या वळूवर ताबा मिळवत, त्याला बाहेर काढण्यात यश मिळवलं.

या सर्व धावपळीत रजनी नावाची महिला गंभीररित्या जखमी झाली आहेत. तर अर्धाडजनपेक्षा अनेकांना दुखापत झाली आहे.

VIDEO:

कमेंट करा

कमेंट करा

Your email address will not be published. Required fields are marked *