कुतुबमिनारमध्ये पूजेची मागणी प्रकरण: न्यायालयाने सुनावणी पुढे ढकलली; पुढील सुनावणी 24 ऑगस्टला
कुतुबमिनार संकुलामध्ये हिंदू आणि जैनांना पूजेचा अधिकार मिळावा अशी मागणी न्यायालयात करण्यात आली आहे. या प्रकरणाची सुनावणी दिल्लीच्या साकेत न्यायालयाने आता 24 ऑगस्टपर्यंत पुढे ढकलली आहे.
नवी दिल्ली : कुतुबमिनार (QutubMinar) संकुलामध्ये हिंदू (Hindu) आणि जैनांना पूजेचा (pooja) अधिकार मिळावा अशी मागणी न्यायालयात करण्यात आली आहे. दिल्लीच्या साकेत न्यायालयात या प्रकरणी सुनावणी सुरू आहे. दरम्यान आज न्यायालय या याचिकेवर निकाल देईल अशी शक्यता होती. मात्र न्यायालयाने आता या प्रकरणाची सुनावणी 24 ऑगस्टपर्यंत पुढे ढकलली आहे. हिंदू आणि जैन देवतांची पुनर्स्थापन करून कुतुबमिनार कॉम्प्लेक्समध्ये पुजा करण्याची परवानगी मिळावी, यासाठी दिल्लीच्या साकेत न्यायालयात याचिका दाखल करण्यात आली आहे. या याचिकेवरील सुनावणी पूर्ण करून न्यायालयाने 9 जूनपर्यंत आपला निकाल राखून ठेवला होता. या प्रकरणात आज निकाल येण्याची श्यकता होती. मात्र या प्रकरणात नव्याने अर्ज दाखल करण्यात आलचे लक्षात आल्यानंतर न्यायालयाने आता या प्रकरणाची सुनावणी पुढे ढकलली असून, येत्या 24 ऑगस्ट रोजी पुढील सुनावणी होणार आहे.
काय आहे प्रकरण?
कुतुबमिनार संकुलात हिंदू आणि जैन धर्मियांना पूजेचा अधिकार मिळावा यासाठी दिल्लीच्या साकेत न्यायालयात वकील हरी शंकर जैन आणि रंजना अग्निहोत्री यांनी एक याचिका दाखल केली होती. कुतुबमिनारची इमारत ही हिंदूंचं अस्तित्व अधोरेखित करत असल्याचा दावा या याचिकेच्या माध्यमातून करण्यात आला होता. याचिकाकर्त्यांनी आपल्या याचिकेत म्हटले होते की, कुतुबमिनार परिसरात अनेक हिंदू देवी देवतांच्या मुर्ती आहेत. तसेच कुतुबमिनार परिसरात अशी अनेक चिन्हे पाहायला मिळतात जी चिन्हे हिंदू संस्कृतीचे प्रतिनिधित्त्व करतात. या परिसरात विष्णू, ऋषभ देव, शिव, गणेश, यासोबतच जैन तीर्थंकरांच्या मूर्ती देखील आहेत. त्यामुळे कुतुबमिनार संकुलात हिंदू आणि जैन धर्मियांना पूजेची परवानगी देण्यात यावी असे या याचिकेत म्हटले होते. तसेच मेरू टॉवरलाच आता कुतुबमिनार म्हणतात असा दावा देखील करण्यात आला होता.
Delhi’s Saket Court defers its pronouncement of order on appeals seeking worshipping rights for Hindus and Jains inside the Qutub Minar complex. The court defers the matter for August 24, after noting that a fresh application has been filed in the case.
— ANI (@ANI) June 9, 2022
सुनावणी पुढे ढकलली
दरम्यान या प्रकरणातील निकाल 9 जून पर्यंत राखून ठेवण्यात आला होता. आज न्यायालय या प्रकरणावर निकाल देईल अशी शक्यता होती. मात्र आता या प्रकरणातील सुनावणी 24 ऑगस्टपर्यंत पुढे ढकलण्यात आली आहे.