Fact Check: लोकसभा अध्यक्ष ओम बिर्ला यांची मुलगी परीक्षा न देताच बनली IAS?

सरकार आता गरीब आणि ग्रामीण भागातील मुलांसाठी यूपीएससीचे प्रवेशद्वार बंद करण्याच्या तयारी असल्याचेही मेसेज व्हायरल होत आहेत.

  • टीव्ही 9 मराठी डिजीटल टीम
  • Published On - 18:15 PM, 19 Jan 2021
Fact Check: लोकसभा अध्यक्ष ओम बिर्ला यांची मुलगी परीक्षा न देताच बनली IAS?

नवी दिल्लीः गेल्या काही दिवसांपासून सोशल मीडियावर एक मेसेज मोठ्या प्रमाणात व्हायरल होतोय. लोकसभा अध्यक्ष ओम बिर्ला (om birla) यांची मुलगी अंजली बिर्ला ही परीक्षा न देता आयएएस झालीय, असा दावा या व्हायरल मेसेजमधून केला जातोय. यूपीएससी परीक्षेत 90 जणांनी मागच्या दरवाजाने प्रवेश केल्याचा दावाही केला जात असून, तसा मेसेजही व्हायरल होत आहे. आजकाल अशा बर्‍याच पोस्ट व्हायरल होत आहेत. सरकार आता गरीब आणि ग्रामीण भागातील मुलांसाठी यूपीएससीचे प्रवेशद्वार बंद करण्याच्या तयारी असल्याचेही मेसेज व्हायरल होत आहेत. (Fact Check Speaker Om Birlas Daughter Backdoor Entry In IAS)

बिर्ला यांच्या मुलीला आयएएसमध्ये मागच्या द्वाराने प्रवेश दिल्याच्या बातम्या धादांत खोट्या

जगातील नामांकित वृत्तसंस्था एएफपीने अलीकडेच या व्हायरल मेसेजचे सत्य जाणून घेण्याचा प्रयत्न केला. एएफपीने नागरी सेवा मुख्य परीक्षेच्या यादीची पडताळणी केली. वर्ष 2019 च्या यादीमध्ये त्यांनी अंजली बिर्ला यांचे नाव आणि भूमिका क्रमांक दोन्ही दाखवले होते. त्यामुळे ओम बिर्ला यांच्या मुलीला आयएएसमध्ये मागच्या द्वाराने प्रवेश दिल्याच्या बातम्या धादांत खोट्या आहेत.


अंजली बिर्ला रामजस कॉलेजमधून पदवीची परीक्षा उत्तीर्ण

अंजलीचे प्राथमिक शिक्षण कोचिंग सिटी म्हणून परिचित असलेल्या कोट्यातून झाले. तिने कोटा येथील सोफिया गर्ल्स स्कूलमधून 12 वीची परीक्षा उत्तीर्ण झाल्यानंतर त्यांनी दिल्लीतील रामजस कॉलेजमधून पदवीची परीक्षा उत्तीर्ण केली. त्यानंतर आयएएसची परीक्षा दिली. या परीक्षेत अभ्यास करून त्यांनी आयएएसची परीक्षा उत्तीर्ण केली.अंजली बिर्ला यांनी भारतीय प्रशासन सेवेत निवड झाल्यानंतर आता महिला सशक्तीकरणाच्या क्षेत्रात काम करण्याचा मानस व्यक्त केला आहे. आता प्रशिक्षण पूर्ण झाल्यानंतर महिला सशक्तीकरणाच्या क्षेत्रात काम करण्यास आपले प्राधान्य असेल, असे अंजली बिर्ला यांनी सांगितले.

संबंधित बातम्या

मोदी सरकारला धक्क्यावर धक्के सुरुच, NDA तून आणखी एक मित्रपक्ष बाहेर

Fact Check Speaker Om Birlas Daughter Backdoor Entry In IAS