जबरदस्त! 5Gची कमाल! दिल्लीत बसून मोदींनी स्वीडनमध्ये चालवली कार; व्हिडीओ पाहाच
नवा भारत टेक्नॉलॉजीत केवळ ग्राहक बनून राहणार नाही. तर त्या तंत्रज्ञानाच्या विकासात आणि त्याच्या अंमलबजावणीत भारत सक्रिय राहणार आहे.
नवी दिल्ली: देशात आजपासून खऱ्या अर्थाने 5जी (5G Technology) क्रांती सुरू झाली आहे. पंतप्रधान नरेंद्र मोदींनी ( PM Narendra Modi) 5जी सेवेचं लोकार्पण केलं. देशातील 130 कोटी जनतेला 5जीच्या रुपाने मोठी भेट मिळाली आहे. 2G,3G,4Gच्या काळात भारताला (india) टेक्नॉलॉजीत दुसऱ्या देशांवर अवलंबून राहावं लागत होतं. परंतु, 5जी सेवा सुरू करून भारताने नवा इतिहास रचला आहे, असं पंतप्रधान नरेंद्र मोदी यांनी आपल्या भाषणात म्हटलं. एवढंच नव्हे तर, 5जी सेवा लॉन्चिंग करतानाचा मोदींचा एक व्हिडीओ समोर आला आहे. या व्हिडीओमध्ये मोदी 5जी सेवेचा वापर करून दिल्लीत बसून स्वीडनमधील कार चालवताना दिसत आहेत.
केंद्रीय मंत्री पीयूष गोयल यांनी त्यांच्या ट्विटर हँडलवरून पंतप्रधान नरेंद्र मोदी यांचा कार चालवण्याचा हा व्हिडीओ शेअर केला आहे. भारत जगाला ड्राइव्ह करत आहे. पंतप्रधान नरेंद्र मोदींनी दिल्लीत बसून 5जीच्या सहाय्याने युरोपातील कार चालवण्याची टेस्ट केली, असं कॅप्शन पीयूष गोयल यांनी पोस्टवर दिलं आहे. या कारला यूरोपातील स्वीडनमधील इनडोअर कोर्समध्ये ठेवण्यात आलं होतं. 5जी सेवेद्वारे दिल्लीतून या कारला नेव्हिगेट करण्यात आलं.
India driving the world.
PM @NarendraModi ji tests driving a car in Europe remotely from Delhi using India’s 5G technology. pic.twitter.com/5ixscozKtg
— Piyush Goyal (@PiyushGoyal) October 1, 2022
आज 21व्या शतकात भारताचं सामर्थ आणि सामर्थ पाहण्याचा आज विशेष दिवस आहे. स्वातंत्र्याच्या अमृत महोत्सवाच्या या ऐतिहासिक कालखंडात 1 ऑक्टोबर 2022 ही तारीख इतिहासात नोंदली जाणार आहे. 2G,3G,4Gच्या काळात भारताल दुसऱ्या देशांवर अवलंबून राहावं लागत होतं. आता भारताने एक नवा इतिहास रचला आहे, असं मोदी म्हणाले.
WATCH | Prime Minister @narendramodi tries his hands on virtual wheels at the exhibition put up at Pragati Maidan before the launch of 5G services in the country. pic.twitter.com/zpbHW9OiOU
— Prasar Bharati News Services & Digital Platform (@PBNS_India) October 1, 2022
यावेळी मोदींनी नव्या भारताचा नवा उल्लेख केला. नवा भारत टेक्नॉलॉजीत केवळ ग्राहक बनून राहणार नाही. तर त्या तंत्रज्ञानाच्या विकासात आणि त्याच्या अंमलबजावणीत भारत सक्रिय राहणार आहे. भविष्यात वायरलेस तंत्रज्ञान डिझाईन करण्यात, त्याच्याशी संबंधित मॅन्युफॅक्चरिंगमध्ये भारताची महत्त्वाची भूमिका राहणार आहे, असं मोदी म्हणाले.