मोदींविरोधात 2019 मध्ये लढायची होती निवडणूक, पण उमेदवारी अर्जच बाद; अर्जाच्या वैधतेवर मंगळवारी न्यायालयाचा फैसला

सीमा सुरक्षा दलाचे माजी सैनिक तेजबहादूर (Tejbahadur) यांनी दाखल केलेल्या याचिकेवर मंगळवारी निकाल देण्यात येणार आहे.

  • टीव्ही 9 मराठी डिजीटल टीम
  • Published On - 0:23 AM, 24 Nov 2020

नवी दिल्ली : सीमा सुरक्षा दलाचे माजी सैनिक तेजबहादूर (Tejbahadur) यांनी दाखल केलेल्या याचिकेवर मंगळवारी निकाल देण्यात येणार आहे. तेजबहादूर यांनी 2019 च्या लोकसभा निवडणुकीत पंतप्रधान नरेंद्र मोदी (Narendra Modi) यांच्याविरोधात वाराणसी (Waranasi) येथून उमेदवारी अर्ज दाखल केला होता. (supreme court decision on tejbahadur waraansi election nomination)

मात्र, निवडणूक आयोगाने त्यांचा उमेदवारी अर्ज रद्द केला होता. निवडणूक आयोगाच्या याच निर्णयाविरोधात  तेजबहादूर यांनी सर्वोच्च न्यायालयात याचिका दाखल केली होती. त्या याचिकेवर मंगळवारी सर्वोच्च न्यायालय निकाल देणार आहे.

सरन्यायाधीश सरद बोबडे, न्यायमूर्ती ए. एस. बोपन्ना, न्यायमूर्ती वी रामासुब्रमणियन यांच्या खडंपीठाने 18 नोवेंबरला तेजबहादूर यांच्या याचिकेवरील सुनावणी पूर्ण केली होती. या याचिकेवर आता मंगळवारी निकाल देण्यात य़ेणार आहे.

तेजबहादूर यांनी 2019 च्या लोकसभा निवडणुकीत वाराणसीमधून समाजवादी पक्षाच्या तिकिटावर उमेदवारी अर्ज भरला होता. मात्र, निवडणूक आयोगाने अर्जात नोकरीतून निलंबित झाल्याचं योग्य कारण दिलं नसल्याचं सांगत त्यांचा उमेदवारी अर्ज रद्द केला. यानंतर तेजबहादूर यांनी अलाहाबाद उच्च न्यायालयाचा दरवाजा ठोठावला. मात्र, तेथे त्यांची याचिका फेटाळण्यात आली. यानंतर तेजबहादूर यांच्या याचिकेवर सर्वोच्च न्यायालयात सुनावणी घेण्यात आली.

कोण आहेत माजी सैनिक तेजबहादूर?

बीएसएफचे माजी सैनिक तेजबहादूर (BSF constable Tejahadur) यांनी सीमेवर तैनात जवानांना मिळणाऱ्या निकृष्ट दर्जाच्या जेवनाचा मुद्दा उपस्थित करणारा एक व्हिडीओ 2017 मध्ये सोशल मीडियावर पोस्ट केला होता. यानंतर ते देशपातळीवर चर्चेत आले. त्यांच्या या व्हिडीओनंतर सैन्य दलाने शिस्तभंगाचा आरोप करत त्यांच्यावर निलंबनाची कारवाई केली. यानंतर तेजबहादूर यांनी थेट पंतप्रधान नरेंद्र मोदी यांच्या विरोधात निवडणूक लढवण्याचा निर्णय घेतला. यावेळी सुरुवातीला ते अपक्ष उमेदवार म्हणून निवडणूक लढवणार होते. नंतर समाजवादी पक्षाने त्यांना आपल्या पक्षातर्फे उमेदवारी दिली. मात्र, निवडणूक आयोगाने त्यांचा उमेदवारी अर्जच रद्दबातल ठरवला.

संबंधित बातम्या :

निकृष्ट अन्नाचा मुद्दा उपस्थित करणारा जवान मोदींविरोधात रिंगणात

वाराणसीतून मोदींविरोधात लढणाऱ्या तेजबहादूर यांची उमेदवारी रद्द

पंतप्रधान मोदींच्या खासदारकीला आव्हान, सर्वोच्च न्यायालयाने माजी सैनिक तेजबहादूर यांना फटकारलं

(supreme court decision on Tejbahadur waraansi election nomination)