PM Modi : भारताच्या विकासाच्या प्रवासात जपानने महत्त्वाची भूमिका बजावली – पंतप्रधान नरेंद्र मोदी
आज भारत स्वातंत्र्याचा अमृतोत्सव साजरा करत आहे, तेव्हा येत्या 25 वर्षात म्हणजे स्वातंत्र्याच्या 100व्या वर्षात भारताला कोणत्या उंचीवर घेऊन जायचे आहे. आज देश तो रोडमॅप तयार करण्यात गुंतला आहे.
पंतप्रधान नरेंद्र मोदी यांनी सोमवारी टोकियोमध्ये अनिवासी भारतीयांना संबोधित केले. यावेळी लोकांनी मोदी-मोदी आणि जय श्री रामच्या घोषणा देत पंतप्रधान मोदींचे स्वागत केले. ते म्हणाले की, मी जेव्हा-जेव्हा जपानमध्ये येतो, तेव्हा प्रत्येक वेळी तुमच्या प्रेमाचा वर्षाव होतच असतो, असे मला दिसते. तुमच्यापैकी बरेच मित्र अनेक वर्षांपासून इथे राहतात. जपानची भाषा, पेहराव, संस्कृती आणि खाद्यपदार्थ एक प्रकारे तुमच्या जीवनाचा अविभाज्य भाग बनले आहेत. कामाच्या भूमीतून आपण शरीर आणि मनाने जोडलेलो आहोत, पण मातृभूमीच्या मुळाशी आपण कधीही अंतर पडू देत नाही, हे आपले वैशिष्ट्य आहे. हीच आपली सर्वात मोठी ताकद आहे.
1 / 6
पंतप्रधान मोदी म्हणाले की, 21 व्या शतकातही आम्ही भारत आणि जपानचे सांस्कृतिक संबंध पूर्ण बांधिलकीने पुढे नेत आहोत. काशीचा खासदार म्हणून मी अभिमानाने सांगू शकतो की जपानचे माजी पंतप्रधान आबे जेव्हा काशीला आले तेव्हा त्यांनी काशीला एक अद्भुत भेट दिली. काशीमध्ये जपानच्या सहकार्याने बनवलेले रुद्राक्ष आणि अहमदाबादमधील झेन गार्डन आणि कैझान अॅकॅडमी, जी एकेकाळी माझी कर्मभूमी होती, या गोष्टी आपल्याला जवळ आणतात.
2 / 6
टोकियो येथील एका कार्यक्रमात भारतीय समुदायाला संबोधित करताना पंतप्रधान मोदी म्हणाले की, आजच्या जगाला भगवान बुद्धांनी दाखवलेल्या मार्गावर, त्यांच्या विचारांवर चालण्याची खूप गरज आहे. हिंसा, अराजकता, दहशतवाद, हवामान बदल असो, जगातील प्रत्येक आव्हानापासून मानवतेला वाचवण्यासाठी हाच मार्ग उपयुक्त आहे.
3 / 6
आज हवामान बदल हे जगासमोरील महत्त्वाचे संकट बनले आहे. आम्ही हे आव्हान भारतातही पाहिले आहे आणि त्या आव्हानावर कायमस्वरूपी तोडगा काढण्यासाठी आम्ही पुढेही गेलो आहोत. भारताने 2070 पर्यंत नेट-झिरो करण्याचे वचन दिले आहे.
4 / 6
पंतप्रधान मोदी म्हणाले, की जागतिक आरोग्य संघटनेने भारतातील आशा भगिनींना महासंचालक - ग्लोबल हेल्थ लीडर्स पुरस्काराने सन्मानित केले आहे. भारतातील लाखो आशा भगिनी, मातृत्वापासून ते लसीकरणापर्यंत, पोषणापासून स्वच्छतेपर्यंत, देशाच्या आरोग्य अभियानाला चालना देत आहेत.
5 / 6
आज भारत स्वातंत्र्याचा अमृतोत्सव साजरा करत आहे, तेव्हा येत्या 25 वर्षात म्हणजे स्वातंत्र्याच्या 100व्या वर्षात भारताला कोणत्या उंचीवर घेऊन जायचे आहे. आज देश तो रोडमॅप तयार करण्यात गुंतला आहे. तुम्ही तुमच्या कौशल्याने, तुमच्या उद्योजकतेने तुमच्या प्रतिभेने जपानच्या या महान भूमीला मंत्रमुग्ध केले आहे.
