पुण्यात राष्ट्रवादीच्या नगरसेवकाला टोळक्याची बेदम मारहाण

पुणे : राष्ट्रवादी काँग्रेसच्या नगरसेवकाला बाहेर बोलवून मारहाण केल्याची घटना पुण्यात घडली. नातेवाईकाच्या साखरपुड्याच्या कार्यक्रमात कुटुंबीयांसोबत आल्यानंतर कोंढव्यातील नगरसेवक अब्दुल गफूर पठाण यांना बाहेर बोलवून तीन ते चार जणांनी जबर मारहाण करत कमरेला हत्यार लावून जीवे मारण्याची धमकी दिली. हा प्रकार मंगळवारी रात्री साडेअकरा ते बाराच्या सुमारास रेसकोर्सजवळील टर्फ क्लबच्या समोर घडला. याप्रकरणी पठाण यांनी …

Pune News Today, पुण्यात राष्ट्रवादीच्या नगरसेवकाला टोळक्याची बेदम मारहाण

पुणे : राष्ट्रवादी काँग्रेसच्या नगरसेवकाला बाहेर बोलवून मारहाण केल्याची घटना पुण्यात घडली. नातेवाईकाच्या साखरपुड्याच्या कार्यक्रमात कुटुंबीयांसोबत आल्यानंतर कोंढव्यातील नगरसेवक अब्दुल गफूर पठाण यांना बाहेर बोलवून तीन ते चार जणांनी जबर मारहाण करत कमरेला हत्यार लावून जीवे मारण्याची धमकी दिली. हा प्रकार मंगळवारी रात्री साडेअकरा ते बाराच्या सुमारास रेसकोर्सजवळील टर्फ क्लबच्या समोर घडला.

याप्रकरणी पठाण यांनी वानवडी पोलीस ठाण्यात फिर्याद दिली असून सल्लाउद्दीन, लियाकत, मैनुद्दीन सय्यद आणि त्याच्या साथीदारांविरोधात वानवडी पोलीस ठाण्यात गुन्हा दाखल करण्यात आला आहे.

पोलिसांनी दिलेल्या माहितीनुसार, अब्दुल गफूर पठाण हे कोंढव्यातील नगरसेवक आहेत. ते मंगळवारी रात्री त्यांच्या कुटुंबीयांसोबत रेस कोर्स येथील टर्फ क्लबमध्ये नातेवाईकाच्या साखरपुड्याच्या कार्यक्रमासाठी गेले होते. त्यावेळी त्यांना एका अनोळखी क्रमांकावरून फोन आला.

‘हमको पहचानते नही क्या’, असे म्हणत त्यांना अरेरावीची भाषा केली. त्यानंतर त्यांना बाहेर येण्यास सांगितलं. ते बाहेर आल्यांतर चौघांनी त्यांना मारहाण केली. त्यानंतर कमरेला हत्यार लावून जीवे मारण्याची धमकी दिली. चौघेही त्यांच्या तोंडओळखीचे आहेत, अशी माहिती पोलिसांनी दिली. पुढील तपास वानवडी पोलीस करत आहेत.

कमेंट करा

कमेंट करा

Your email address will not be published. Required fields are marked *