IND vs PAK : गाढव, बांगड्या भरा, चॅम्पियन्स ट्रॉफीच्या वादानंतर पाकिस्तानी क्रिकेटपटूची BCCI ला शिवीगाळ
IND vs PAK : भारतीय क्रिकेट बोर्डाने चॅम्पियन्स ट्रॉफी 2025 साठी पाकिस्तानात संघ न पाठवण्याचा निर्णय घेतला आहे. यावरुन पाकिस्तानचा एक क्रिकेटपटू शिवीगाळ करण्यावर उतरला आहे. तो बीसीसीआयला वाटेल ते, नको-नको ते बोलला. चॅम्पियन्स ट्रॉफी 2025 च यजमानपद पाकिस्तानकडे आहे.
चॅम्पियन्स ट्रॉफी 2025 साठी बीसीसीआयने टीम इंडियाला पाकिस्तानात पाठवायला नकार दिला आहे. भारतीय क्रिकेट बोर्डाने चॅम्पियन्स ट्रॉफीबद्दलचा आपला निर्णय जाहीर केल्यापासून क्रिकेट विश्वात एकच खळबळ उडाली आहे. BCCI च्या निर्णयावरुन पाकिस्तानात हंगामा सुरु आहे. पाकिस्तानचा माजी क्रिकेटपटू तनवीर अहमदने सर्व मर्यादा ओलांडल्या आहेत. तो शिवीगाळ करण्यावर उतरलाय. त्याने खुलेआम सोशल मीडियावर आक्षेपार्ह शब्द वापरले आहेत.
भारत पाकिस्तानात येणार नसल्याने तनवीर अहमद मागच्या काही दिवसांपासून आक्रमक वक्तव्य करतोय. ‘बीसीसीायने आपल्या हातात बांगड्या भराव्या’ असं त्याने म्हटलं आहे. तो एवढयावरच थांबला नाही, भारतीय क्रिकेट बोर्डाबद्दल खोटारडे, नीच, बदमाश आणि दुटप्पी असे आपत्तीजनक शब्द वापरले. बीसीसीआयपेक्षा एका गाढवावर विश्वास ठेवणं केव्हाही चांगलं. तो फसवणार नाही असं तनवीर अहमद म्हणाला. त्याने पाकिस्तानी मीडियाला भारतीय मीडियाला बोलवू नका असं अपील केलं.
Bhai kuch log india say mujhe galiya dey rahe ha tou bhai jo bolna ha boltey raho tumhara BCCI ghatiya,ganda,jhoota or top ka doghla cricket board ha tum log par trust karney say behtar ha main kisi donkey par trust karlon ga
— Tanveer Says (@ImTanveerA) November 11, 2024
Meri request ha pakistan kay media walon say ye india k media walon ko apney channels par lena band karo ye log bhi sab doghley hain jhootey hain
— Tanveer Says (@ImTanveerA) November 11, 2024
Meri logon say request ha BCCI par trust karney say acha ha is gadhey par trust karlaina ye bhi shayad apko dokha na day pic.twitter.com/2KGp5k6DMc
— Tanveer Says (@ImTanveerA) November 11, 2024
BCCI ye chorian apney dono hathon main pehan lo pic.twitter.com/NpdcR1CfSi
— Tanveer Says (@ImTanveerA) November 10, 2024
पाकिस्तानात टुर्नामेंट झाली नाही, तर दुसरीकडे कुठे होणार?
BCCI च्या या निर्णयानंतर पाकिस्तान क्रिकेट बोर्डाने भारतासोबत कुठल्याही टुर्नामेंटमध्ये न खेळण्याची धमकी दिली होती. पीटीआयच्या रिपोर्ट्नुसार 12 नोव्हेंबरला ICC ला एक ईमेल पाठवण्यात आला. त्यात टीम इंडियाला न पाठवण्यामागची भारतीय क्रिकेट बोर्डाने ठोस कारणं सांगावी, असं म्हटलं होतं. आयसीसीची सर्व टीम्ससोबत चर्चा सुरु आहे. टुर्नामेंटच्या शेड्युलबद्दलही चर्चा आहे. आयसीसीने बॅकअप प्लान म्हणून दक्षिण आफ्रिकेत टुर्नामेंट आयोजित करण्याचा प्लान तयार ठेवल्याच काही रिपोर्ट्समध्ये म्हटलय.
