Dinesh Karthik समोर वेस्ट इंडिजचे गोलंदाज हतबल, गोलंदाजी कशी फोडून काढली, ते या VIDEO मध्ये पहा

मुंबई: वनडे सीरीज मध्ये वेस्ट इंडिजला 3-0 अशी धूळ चारल्यानंतर टीम इंडियाने पहिल्या टी 20 सामन्यात शानदार विजय मिळवला आहे. भारताने त्रिनिदाद मध्ये खेळल्या गेलेल्या सामन्यात वेस्ट इंडिज वर 68 धावांनी मोठा विजय मिळवला. दिनेश कार्तिक या विजयाचा हिरो ठरला. त्याने आपल्या तुफानी फलंदाजीच्या बळावर सामन्याची दिशाच बदलून टाकली. दिनेश कार्तिकने अवघ्या 19 चेंडूत नाबाद 41 धावा फटकावल्या. त्यालाच सामनावीराचा पुरस्कार मिळाला.

दिनेश कार्तिकची स्फोटक फलंदाजी

दिनेश कार्तिकने आपल्या 19 चेंडूंच्या इनिंग मध्ये वेस्ट इंडिजच्या गोलंदाजांचा चांगलाच समाचार घेतला. त्याने 4 चौकार आणि 2 षटकार लगावले. स्ट्राइक रेट 215 च्या पुढे होता. दिनेश कार्तिकने जोरदार हिटिंग केली. हे शॉट्स पाहिल्यानंतर कार्तिक चेंडूच्या कानाखाली वाजवतोय, असं वाटत होतं. कार्तिकची फलंदाजीच तशी होती.

पूरनची व्युहरचनाच समजली नाही

दिनेश कार्तिकची फलंदाजी पाहून वेस्ट इंडिजचा कॅप्टन निकोलस पूरलना काय करायचं ते कळत नव्हतं. दिनेश कार्तिक तुफानी बॅटिंग करत होता. त्यावेळी पूरनने 19 व्या षटकात पाच फिल्डर 30 यार्डच्या आत ठेवले होते. पूरनची ही खेळीच समजली नाही. कार्तिकने त्याचा पुरेपूर फायदा उचलला. ऑफ साइड आणि लेग साइडला त्याने मोठे शॉट्स मारले.

.@DineshKarthik‘s knock pushed India’s total to a massive 190. His batting was an absolute treat to witness!

Watch all the action from the India tour of West Indies LIVE, only on #FanCode ? https://t.co/RCdQk12YsM@BCCI @windiescricket #WIvIND #INDvsWIonFanCode #INDvsWI pic.twitter.com/nya2zlE98o

— FanCode (@FanCode) July 29, 2022

दिनेश कार्तिकचा टॉप गेयर

रोहित शर्माचा विकेट गेल्यानंतर दिनेश कार्तिक क्रीजवर आला. 15 व्या षटकात खेळपट्टीवर आलेल्या कार्तिकने विडिंज गोलंदाजांवर हल्लाबोल केला. कार्तिकने अल्जारी जोसेफच्या एका षटकात पहिला चौकार लगावला. त्यानंतर 19 व्या षटकात कार्तिकने होल्डरच्या ओव्हर मध्ये षटकार आणि चौकार लगावला. मॅकॉयच्या शेवटच्या षटकात एक षटकार आणि दोन चौकार लगावले. संघाची धावसंख्या त्याने 190 पर्यंत पोहोचवली. विंडिजसाठी ही खूप मोठी धावसंख्या ठरली.