ICC Womens t20 WC: शेवटच्या चेंडूवर फिल्डरच्या चूकीमुळे जिंकलेली मॅच हरली, कसं ते या VIDEO मध्ये बघा
अटीतटीच्या सामन्यात एखाद्या फिल्डरकडून अशी चूक कुठल्याही टीमला कशी परवडेल?
मुंबई: क्रिकेटच्या सामन्यात अनेकदा रोमांचक क्षण अनुभवता येतात. अटी-तटीच्या सामन्यात हा रोमांच टीपेला पोहोचतो. सध्या आयसीसी वुमेन्स टी 20 वर्ल्ड कप क्वालिफायरचे सामने सुरु आहेत. बुधवारी यूएई आणि झिम्बाब्वेमध्ये खूपच अटी-तटीचा सामना झाला. यूएईने झिम्बाब्वेच्या टीमला शेवटच्या चेंडूवर हरवलं. या मॅचमध्ये यूएईला विजयासाठी 121 धावांची आवश्यकता होती.
शेवटच्या चेंडूवर यूएईला विजयासाठी 4 धावांची गरज होती. यूएईचे 6 विकेट गेले होते. झिम्बाब्वेचा विजय निश्चित मानला जात होता. पण शेवटच्या चेंडूवर फिल्डरच्या चुकीमूळे यूएईची टीम जिंकली.
लास्ट ओव्हरमध्ये काय स्थिती होती?
लास्ट ओव्हरमध्ये यूएईला विजयासाठी 14 धावांची आवश्यकता होती. झिम्बाब्वेने नोमविलो सिबांडाकडे चेंडू सोपवला. पहिल्या चार चेंडूंवर सिबांडाने फक्त चार धावा दिल्या. पाचव्या चेंडूवर सिंबाडाकडून चूक झाली. तिने वाइड चौकार दिला. त्यानंतर शेवटच्या दोन चेंडूंवर यूएईला विजयासाठी 6 धावांची गरज होती. पाचव्या चेंडूवर 15 वर्षाच्या वैष्णव महेशने 2 धावा काढल्या.
शेवटच्या चेंडूवर फील्डरकडून मिसफील्ड
शेवटच्या बॉलवर यूएईला विजयासाठी 4 धावांची गरज होती. सिंबाडाने चांगला चेंडू टाकला. चेंडू मेहशच्या बॅटला आतल्याबाजूला लागला व फाइन लेगला गेला. तिथे उभ्या फिल्डरने खूपच खराब फिल्डिंग केली. तिने तो चेंडू सोडला. चेंडू पायांच्या मधून थेट सीमारेषेपार गेला. यूएईला चार रन्स मिळाले. अशा प्रकारे झिम्बाब्वेने जिंकायचा सामना हरला.
“They can’t quite believe they have lost this!”
Relive the dramatic finish in yesterday’s ZIM v UAE match ?
Catch all the ICC Women’s #T20WorldCup Qualifier 2022 action on https://t.co/MHHfZPyHf9 ? pic.twitter.com/lVGBH6B6h5
— ICC (@ICC) September 22, 2022
कुठली टीम कुठल्या स्थानावर
आयसीसी वुमेन्स टी 20 वर्ल्ड कप क्वालिफायर 2022 मध्ये झिम्बाब्वे आणि यूएईची टीम ग्रुप बीमध्ये आहे. झिम्बाब्वेला टुर्नामेंटमध्ये पहिल्या पराभवाचा सामना करावा लागला. त्यांनी 3 पैकी 2 सामने जिंकलेत. गुणतालिकेत ते पहिल्या स्थानावर आहेत. यूएईच्या टीमने 3 पैकी पहिल्या मॅचमध्ये विजय मिळवला. ते शेवटच्या स्थानावर आहेत. थायलंड आणि पापुआ न्यू गिनीची टीम दुसऱ्या आणि तिसऱ्या नंबरवर आहे.
