गुरु शिष्य एक साथ, मास्टर ब्लास्टर आणि सिक्सर किंगचा ‘हा’ फोटो पाहिलात का ?

सचिनने (Sachin Tendulkar) इंस्टाग्रामवर युवराजसोबतचा फोटो शेअर केला आहे.

गुरु शिष्य एक साथ, मास्टर ब्लास्टर आणि सिक्सर किंगचा 'हा' फोटो पाहिलात का ?
सचिन तेंडुलकर युवराज सिंह
Follow us
| Updated on: Feb 02, 2021 | 4:04 PM

मुंबई : क्रिकेटमधून निवृत्ती घेतल्यानंतरही मास्टर ब्लास्टर सचिन तेंडुलकर (Sachin Tendulkar) आणि सिक्सर किंग युवराज सिंह (Yuvraj Singh) नेहमीच चर्चेत असतात. टीम इंडियामधील अनेक हिट जोडींपैकी ही एक हीट जोडी आहे. हे दोघेही अनेकदा एकमेकांसोबत मजा मस्करी असतात. दरम्यान सचिनने युवराजसोबतचा फोटो इंस्टाग्रामवर (Instagram) शेअर केला आहे. या फोटोमध्ये दोघेही गोल्फ खेळताना दिसत आहेत. (master blaster sachin tendulkar share photo on instagram with yuvraj singh)

“क्रिकेटपासून ते गोल्फ पर्यंत आम्ही खूप दुरवरचं अंतर पार केलं आहे युवी”, सचिनने असं या फोटोला कॅप्शन दिलं आहे. या फोटोवर युवराजने हृदयस्पर्शी कमेंट केली आहे. “जिथे जिथे गुरु, तिथे तिथे शिष्य”, अशी कमेंट युवराजने केली आहे. या दोघांचा फोटो नेटीझन्सना चांगलाच आवडला आहे. आतापर्यंत या फोटोला इंस्टाग्रामवर 7 लाखांपेक्षा अधिक जणांनी लाईक केलं आहे.

सचिनच्या स्वप्नासाठी युवराजची झुंज

आपल्या देशासाठी वर्ल्ड कप जिंकावं, असं सचिनचं स्वप्न होतं. 2011 च्या वर्ल्ड कपचं आयोजन आशियामध्ये करण्यात आलं होतं. सचिनचा हा अखेरचा वर्ल्ड कप होता. यामुळे त्याला विजयी निरोप द्यावा, अशी टीम इंडियाच्या प्रत्येक खेळाडूची इच्छा होती. यासाठी युवराजने खूप मेहनत घेतली. युवराजने या संपूर्ण स्पर्धेमध्ये बॅटिंगसह बोलिंगनेही दमदार कामगिरी केली.

युवराजची अनेक सामन्यांदरम्यान प्रकृती बिघडली होती. रक्ताची उलटीही झाली. मात्र यानंतरही तो फक्त नि फक्त सचिनच्या स्वप्नासाठीच खेळत होता. युवराजने केलेल्या मेहनतीचं चीज झालं. टीम इंडियाने अखेर 28 वर्षानंतर वर्ल्ड कप जिंकला. सचिनचं स्वप्न पूर्ण झालं. संपूर्ण स्पर्धेत युवराजने 1 शतक आणि 4 अर्धशतकांसह 362 धावा केल्या. तसेच 15 विकेट्स घेतल्या. त्याच्या या कामगिरीसाठी युवराजला ‘प्लेअर ऑफ द टोर्नामेंट’ पुरस्काराने गौरवण्यात आले होते.

गुरु शिष्याचं नातं

हे दोघे दिग्ग्ज खेळाडू एकमेकांचे सहकारी राहिले आहेत. मात्र या दोघांमध्ये गुरु शिष्याचं नातं आहे. युवराज सचिनला आपला गुरु मानतो. सचिनने युवराजला त्याच्या पडत्या काळात अनेकदा मदत केली आहे. तसेच युवराजला कॅन्सरचं निदान झाल्यानंतर सचिनने अनेकदा त्याला धीर दिला. सचिनने दिलेल्या धीरामुळे युवराजला क्रिकेटमध्ये कमबॅक करण्यासाठी प्रोत्साहन मिळालं.

कॅन्सरला पराभूत केल्यानंतर युवराजने साधारणपणे 5 वर्ष टीम इंडियाचं नेतृत्व केलं. यादरम्यान युवराजने 2014 च्या टी 20 वर्ल्ड कप आणि 2017 च्या चॅम्पियन ट्रॉफीमध्ये सहभाग घेतला होता. आयसीसीच्या या दोन्ही स्पर्धांमध्ये दुर्देवाने टीम इंडियाचा पराभव झाला. यामुळे भारताला उपविजेतेपदावर समाधान मानावे लागले. युवराजने 10 डिसेंबर 2019 मध्ये क्रिकेटमधून निवृत्ती घेतली.

संबंधित बातम्या :

मास्टर ब्लास्टर सचिन तेंडुलकर कोचच्या भूमिकेत

Yuvraj Singh retired : मैदानात रक्ताची उलटी करुनही वर्ल्डकप जिंकून देणारा ढाण्या वाघ!

(master blaster sachin tendulkar share photo on instagram with yuvraj singh)

Non Stop LIVE Update
मविआ 48 जागा लढणार आणि त्या जिंकणार, संजय राऊत यांचा आत्मविश्वास
मविआ 48 जागा लढणार आणि त्या जिंकणार, संजय राऊत यांचा आत्मविश्वास.
काँग्रेसच्या 5 जागी मैत्रीपूर्ण लढती ? कोणत्या जागांवर काँग्रेस ठाम?
काँग्रेसच्या 5 जागी मैत्रीपूर्ण लढती ? कोणत्या जागांवर काँग्रेस ठाम?.
आगे आगे देखो..., अंबादास दानवे यांचा उल्लेख करत काय केलं सूचक वक्तव्य?
आगे आगे देखो..., अंबादास दानवे यांचा उल्लेख करत काय केलं सूचक वक्तव्य?.
संजय राऊत आघाडीत बिघाडी करीत आहेत, प्रकाश आंबेडकर यांचा थेट आरोप
संजय राऊत आघाडीत बिघाडी करीत आहेत, प्रकाश आंबेडकर यांचा थेट आरोप.
प्रकाश आंबेडकर यांची मोठी रणनिती, नव्या आघाडीबद्दल दिले संकेत; म्हणाले
प्रकाश आंबेडकर यांची मोठी रणनिती, नव्या आघाडीबद्दल दिले संकेत; म्हणाले.
उदयनराजे यांच्या विरोधात पवार कोणाला देणार तिकीट ? काय म्हणाले पवार ?
उदयनराजे यांच्या विरोधात पवार कोणाला देणार तिकीट ? काय म्हणाले पवार ?.
वसंत मोरे वंचितच्या तिकिटावर लोकसभा निवडणूक लढणार?
वसंत मोरे वंचितच्या तिकिटावर लोकसभा निवडणूक लढणार?.
'अजित पवार गट फ्रॉड 420 गँग, फार काळ सत्तेत...', कुणाची खोचक टीका?
'अजित पवार गट फ्रॉड 420 गँग, फार काळ सत्तेत...', कुणाची खोचक टीका?.
आता नाही तर कधी ? हातकणंगलेतून लढण्याचा राहुल आवाडे यांचा निर्धार
आता नाही तर कधी ? हातकणंगलेतून लढण्याचा राहुल आवाडे यांचा निर्धार.
मराठा समाजाच्या बैठकीत हाणामारी, लाथा-बुक्क्यांनी मारहाण; बघा व्हिडीओ
मराठा समाजाच्या बैठकीत हाणामारी, लाथा-बुक्क्यांनी मारहाण; बघा व्हिडीओ.