T Natrajan | थंगारासू नटराजनची रथातून मिरवणूक, गावकऱ्यांचा आनंद गगनात मावेना
नटराजनचं त्याच्या गावी जंगी स्वागत करण्यात आलं. थंगारासूने ऑस्ट्रेलिया दौऱ्यात तिन्ही फॉर्मेटमध्ये पदार्पण केलं.
तामिळनाडू : कांगारुंवर ऐतिहासिक विजयानंतर भारतीय खेळाडू (Team India) मायदेशी परतले. यावेळेस या खेळाडूंचं आपल्या राहत्या शहरामध्ये दणक्यात स्वागत करण्यात आलं. टीम इंडियाचा यॉर्कर किंग थंगारासू नटराजनचंही (Yorker King T Natrajan) त्याच्या गावात जंगी राजेशाही थाटात स्वागत करण्यात आलं. तामिळनाडूमधील चिन्नपमपट्टी हे नटराजनचं गाव. नटराजन गावात पोहचला. यानंतर नटराजनला पाहण्यासाठी संपूर्ण तामिळनाडूमधील जनेतेने एकच गर्दी केली होती. (thangarasu Natarajan royal welcomed by villagers in chinnapampatti after historic victory over australia)
नटराजनची विजयी मिरवणूक
नटराजनची घोड्याच्या रथातून विजयी मिरवणूक काढण्यात आली. यावेळेस नटराजनच्या नावाच जयजयकार करण्यात आला. त्याच्यावर पुष्पवर्षाव केला गेला. आपल्या सुपूत्राने टीम इंडियासाठी शानदार कामगिरी केल्याचा आनंद गावकऱ्यांच्या चेहऱ्यावर दिसत होता. नटराजनच्या या मिरवणुकीचा व्हिडीओ मोठ्या प्रमाणात व्हायरल होत आहे. टीम इंडियाचा माजी फलंदाज वींरेद्र सेहवाने हा व्हिडीओ शेअर केला आहे.
सेहवागने केलेलं ट्विट
Swagat nahi karoge ?This is India. Here cricket is not just a game. It is so much more. Natarajan getting a grand welcome upon his arrival at his Chinnappampatti village in Salem district. What an incredible story.#Cricket pic.twitter.com/hjZ7kReCub
— Virender Sehwag (@virendersehwag) January 21, 2021
“स्वागत नही करोगे हमारा, हा भारत आहे. इथे क्रिकेट खेळ नाही, तर त्यापेक्षा खूप काही आह. नटराजनचं जल्लोषात स्वागत करण्यात आलं. काय कमाल आहे”, असं म्हणत सेहवागने हा व्हिडीओ शेअर केला आहे.
ऑस्ट्रेलियाविरोधात तिन्ही फॉरमेटमध्ये पदार्पण
नटराजनची ऑस्ट्रेलिया दौऱ्यासाठी एक नेट (राखीव) बोलर म्हणून निवड करण्यात आली होती. या दौऱ्यात टीम इंडियाचे अनेक खेळाडू दुखापतग्रस्त झाले. ही दुखापत नटराजनच्या पथ्यावर पडली. यामुळे नटराजनला एकदिवसीय, टी 20 आणि कसोटी संघात पदार्पणाची संधी मिळाली. नटराजनने या संधीचं सोनं केलं. टीम मॅनेजमेंटने दाखवलेला विश्वास त्याने सार्थ ठरवला. नटराजनने निर्णायक क्षणी भारताला विकेट्स मिळवून दिले. नटराजनने आयपीएलच्या 13 व्या मोसमात उल्लेखनीय कामगिरी केली. त्याने एलिमिनेटर सामन्यात धोकादायक असलेला मिस्टर 360 एबीडी व्हीलियर्सला यॉर्कर चेंडूवर बोल्ड केलं होतं. तसेच तो आयपीएलच्या या 13 वा मोसमात सर्वाधिक यॉर्कर टाकणारा गोलंदाज होता. त्याने या कामगिरीने सर्वांचेच लक्ष वेधून घेतले होते.
दरम्यान नटराजनचे इंग्लंडविरोधातील पहिल्या 2 कसोटींसाठी निवड करण्यात आली नाही. त्यामुळे उर्वरित 2 सामन्यांसाठी त्याला संधी मिळेल, अशी आशा नटराजनच्या चाहत्यांना आहे. इंग्लंड संघ भारत दौऱ्यावर येणार आहे. 5 फेब्रुवारीपासून कसोटी मालिकेला सुरुवात होणार आहे. यानंतर टी 20 आणि एकदिवसीय मालिका खेळण्यात येणार आहे.
संबंधित बातम्या :
Aus vs Ind, 4th Test | नटराजन आणि वॉशिंग्टनचा कारनामा, पदार्पणात अफलातून कामगिरी
T Narajan | ‘यॉर्कर किंग’ थंगारासू नटराजन कसोटी पदार्पणासाठी सज्ज, सरावादरम्यान भन्नाट कॅच
#INDvsENG | टीम इंडियाविरोधातील पहिल्या 2 कसोटींसाठी इंग्लंड संघाची घोषणा
England Tour India | इंग्लंडविरुद्ध भारतीय संघाची घोषणा, अजिंक्य रहाणे की विराट कोहली, कर्णधार कोण?
(thangarasu Natarajan royal welcomed by villagers in chinnapampatti after historic victory over australia)