क्रिकेटपटू हार्दिक पंड्याचा बोटीत साखरपुडा
भारतीय क्रिकेट संघाचा सुपर कूल खेळाडू हार्दिक पंड्या याने नवीन वर्षाच्या पहिल्याच दिवशी गर्लफ्रेंड नताशा स्टानकोविकसोबत साखरपुडा केला.
मुंबई : भारतीय क्रिकेट संघाचा सुपर कूल खेळाडू हार्दिक पंड्या याने नवीन वर्षाच्या पहिल्याच दिवशी गर्लफ्रेंड नताशा स्टानकोविकसोबत साखरपुडा केला. त्याने इन्स्टाग्रामवर पोस्ट करत याबाबतची माहिती दिली. नताशा स्टानकोविक ही सर्बियाची अभिनेत्री आहे. हार्दिक पंड्याने इन्स्टाग्रामवर नताशासोबतचे त्याचे फोटो शेअर केले. याला त्याने “मैं तेरा, तू मेरी, जाने सारा हिन्दुस्तान”, असं कॅप्शन दिलं (Hardik Pandya engaged with Natasa).
नताशानेही तिच्या इन्स्टाग्रामवर साखरपुड्याचे फोटो आणि व्हिडीओ शेअर केले. यामध्ये हार्दिक तिला हातात अंगठी घेऊन प्रपोज करताना दिसत आहे.
नवीनवर्षाआधी 31 डिसेंबरला हार्दिकने नताशासोबत फोटो शेअर केला होता. यावेळी त्याने “Starting the year with my firework”, असं कॅप्शन या फोटोला दिलं होतं.
हार्दिक पंड्यापूर्वी नताशाचं टीव्ही स्टार अली गोनीसोबत अफेअर होतं. अली गोनी आणि नताशा हे स्टार प्लसच्या ‘नच बलिये’ कार्यक्रमातही सोबत झळकले होते.
हार्दिक पंड्या सध्या दुखापतीमुळे भारतीय संघातून बाहेर आहेत. या दुखापतीमुळे तो बांग्लादेश आणि वेस्ट इंडिज विरुद्धचे टी-20 आणि एक दिवसीय सामनेही खेळू शकला नाही. इचकंच नाही तर तो आगामी श्रीलंका आणि ऑस्ट्रेलिया विरुद्धच्या मालिकांमध्येही खेळू शकणार नाही. मात्र, न्यूझीलंड विरुद्धच्या मालिकेत हार्दिकला इंडिया-ए साठी निवडण्यात आलं आहे.
Hardik Pandya engaged with Natasa
