Tokyo Olympic च्या 9 दिवसांपूर्वी हॉकीच्या नियमांत मोठा बदल, कोरोनाच्या संकटामुळे घेतला निर्णय
हॉकी इंडियाने Hockey India) काही दिवसांपूर्वीच टोक्यो ऑलम्पिकसाठी (Tokyo Olympic) महिला आणि पुरुष संघ जाहिर केला होता, आता बदललेल्या नियमांमुळे पुन्हा संघबदल करावा लागला आहे.
नवी दिल्ली : टोक्यो ऑलम्पिकमध्ये (Tokyo Olympic) भारताला पदकं मिळवून देण्यासाठी भारतीय खेळाडू जीवंच रान करणार हे नक्की. दरम्यान भारताचा राष्ट्रीय खेळ असणाऱ्या हॉकीमध्ये यंदा भारत मेडल मिळवले अशी शक्यता सर्वचजण वर्तवत आहेत. मागील काही काळातील पुरुष हॉकी संघाचा खेळ पाहता ही आशा वर्तवली जात आहे. मात्र स्पर्धा सुरु होण्यासाठी काहीच दिवस शिल्लक असताना हॉकीच्या नियमांत बदल करुन प्रत्येक हॉकी संघात 16 च्या जागी 18 खेळाडू ठेवण्याचा निर्णय घेण्यात आला आहे.
त्यामुळे भारतीय पुरुष हॉकी संघातून डिफेंडर वरुण कुमार (Varun Kumar) आणि मिडफील्डर सिमरनजीत सिंग (Simranjeet Singh) टोक्यो ऑलम्पिकमध्ये डेब्यू करण्यासाठी सज्ज झाले आहेत. बदलेल्या नियमामुळे हॉकी इंडियाने आधी जाहिर केलेल्या 16 खेळाडूंच्या संघात या दोघांना सामिल करुन 18 खेळाडूंचा संघ तयार केला आहे. कोरोनाच्या वाढत्या संकटामुळे सुरक्षेचा उपाय म्हणून संघातील खेळाडूंच्या संख्येत वाढ करण्यात आली आहे. पुरुष संघासह महिला हॉकी संघातही नमिता टोपो आणि रीना या दोन महिला हॉकीपटूंना सामिल करण्यात आलं आहे. भारताच्या महिला संघाचं कर्णधारपद रानी रामपाल (Rani Rampal) तर पुरुष संघाचं कर्णधारपद मनप्रीत सिंग (Manpreet Singh) याला देण्यात आलं आहे.
हॉकीमध्ये भारताला पदकाशी आशा
ऑलम्पिक खेळांमध्ये भारतीय हॉकी संघाचा सुवर्ण इतिहास आहे. भारतीय संघाने एक-दोन नाही तर 8 सुवर्ण पदक हॉकी खेळात पटकावले आहेत. मात्र 1980 च्या मॉस्को ऑलम्पिकनंतर भारतीय हॉकी संघाला पदक पटकावता आलेले नाही. मात्र यंदा कर्णधार मनप्रीत सिंगच्या नेतृत्त्वाखाली मागील काही महिन्यांतील पुरुष हॉकी संघाची (Indian Men’s Hockey Team) कामगिरी पाहता पदक पटकावण्याची दाट शक्यता आहे. दुसरीकेड भारतीय महिला संघाचे प्रदर्शनही सकारात्मक असल्याने त्यांच्याकडूनही पदक मिळवण्याची आशा व्यक्त केली जात आहे.
हे ही वाचा :
Tokyo Olympics 2021 मधून दिग्गज टेनिसपटू रॉजर फेडररची माघार, ‘हे’ आहे कारण
Tokyo Olympics 2020 मध्ये खेळण्याबाबत नोव्हाक जोकोविच याचे मोठे वक्तव्य, म्हणाला…
(Before Tokyo Olympics Starts Two Extra Players Inculded in Hocky Teams Change in Terms of Hocky Team at Olympics)
