पैलवान नरसिंग यादवचं ACP पदावरुन निलंबन

मुंबई : उत्तर पश्चिम मुंबई मतदारसंघातील काँग्रेसचे उमेदवार संजय निरुपम यांच्या प्रचार रॅलीत सहभागी झाल्याने प्रसिद्ध पैलवान नरसिंग यादवचं सहाय्यक पोलिस आयुक्त पदावरुन निलंबन करण्यात आलं आहे. मुंबईतील शस्त्र पोलिसात सहाय्यक पोलिस आयुक्त म्हणजेच एसीपी म्हणून कार्यरत होता. नरसिंग यादव याच्याविरोधात आंबोली पोलिस ठाण्यात गुन्हा दाखल करण्यात आला आहे. पैलवान नरसिंग यादवने काँग्रेस उमेदवार संजय …

, पैलवान नरसिंग यादवचं ACP पदावरुन निलंबन

मुंबई : उत्तर पश्चिम मुंबई मतदारसंघातील काँग्रेसचे उमेदवार संजय निरुपम यांच्या प्रचार रॅलीत सहभागी झाल्याने प्रसिद्ध पैलवान नरसिंग यादवचं सहाय्यक पोलिस आयुक्त पदावरुन निलंबन करण्यात आलं आहे. मुंबईतील शस्त्र पोलिसात सहाय्यक पोलिस आयुक्त म्हणजेच एसीपी म्हणून कार्यरत होता. नरसिंग यादव याच्याविरोधात आंबोली पोलिस ठाण्यात गुन्हा दाखल करण्यात आला आहे.

पैलवान नरसिंग यादवने काँग्रेस उमेदवार संजय निरुपम यांच्या प्रचार रॅलीत सहभाग घेतल्याने, त्याच्यावर निवडणुकीच्या आदर्श आचारसंहितेचं उल्लंघन केल्याचा गुन्हा दाखल करण्यात आला होता. यानंतर निवडणूक आयोगाने नरसिंग यादवची गंभीर दखल घेतली. अखेर त्याला पदावरुन निलंबित करण्यात आले. महाराष्ट्र डीजीपींनी संबंधितांकडून माहिती घेऊन, नरसिंग यादवला नोटीस पाठवून, उत्तर मागवलं. त्यानंतर कारवाई केली.

कुठलाही सरकारी कर्मचारी कुठल्याही पक्षाचा प्रचार करु शकत नाही, असे आदर्श आचारसंहितेत सांगण्यात आले आहे. त्यानुसारच नरसिंग यादवर कारवाई करण्यात आली आहे.

कोण आहे नरसिंग यादव?

नरसिंग यादव हा मूळचा उत्तर प्रदेशातील आहे. नरसिंग यादवने कुस्तीमध्ये भारताचं नाव जगभरात पोहोचवलं आहे. 2010 साली एशियन चॅम्पियनशिपच्या 74 किलो वजनी गटाच्या फ्रीस्टाईल कुस्तीत नरसिंगने सुवर्ण पदकाची कमाई केली होती. कॉमनवेल्थ, ऑलिम्पिक, एशियन गेम्स अशा जगातल्या नामांकित स्पर्धांमध्ये नरसिंग यादवने भारताचं प्रतिनिधित्त्व केले आहे.

कमेंट करा

कमेंट करा

Your email address will not be published. Required fields are marked *