मनसेच्या कार्यकर्त्यांनी सोशल मीडियाच्या माध्यमातून मुख्यमंत्री देवेंद्र फडणवीस यांच्यासह भाजपच्या इतर नेत्यांवर भ्रष्टाचाराचा आरोप करत टार्गेट केलं आहे. दरम्यान मनसेच्या या पोस्टरबाजीमुळे येत्या विधानसभा निवडणुकीत भाजप सरकारच्या अडचणीत वाढ होणार आहे.
एरवी पत्रकारांच्या प्रश्नांना सडेतोड उत्तरं देणारे राज ठाकरे ईडीच्या प्रश्नांना कशा प्रकारे उत्तरं देतील आणि त्यांना काय प्रश्न विचारले जातील याची उत्सुकता प्रत्येकालाच होती. अखेर पावणे नऊ तासांच्या चौकशीनंतर राज ठाकरे बाहेर पडले आणि कृष्णकुंजवर कार्यकर्त्यांकडून त्यांचं जंगी स्वागत करण्यात आलं.
राज ठाकरेंच्या (Raj Thackeray) स्वागतासाठी मोठ्या संख्येने कार्यकर्ते जमा झाले होते. कितीही चौकशा केल्या, तरी तोंड बंद ठेवणार नाही, ही राज ठाकरेंची कार्यकर्त्यांसमोरची पहिली प्रतिक्रिया होती.
