महाराष्ट्रात सध्या परतीचा पाऊस सुरु आहे (Maharashtra Rain). मात्र, जाता-जाताही पावसाने राज्यात धुमाकुळ घातला आहे. नाशिक, पुणे, मुंबईला परतीच्या पावसाने अक्षरश: झोडपून काढलं. आता पुढील आठवडा देखील पावसाचा असणार आहे. 7 ते 12 ऑक्टोबर दरम्यान विदर्भ, मराठवाडा आणि मध्य-महाराष्ट्रातील काही भागात ढगाळी हवामानासह वादळी-वाऱ्यासह पावसाचा अंदाज हवामान तज्ज्ञांनी वर्तवला आहे.
नाशिकमध्ये परतीच्या पावसाने धुमाकुळ घातला आहे (Nashik Rain). आज (6 ऑक्टोबर) दुपारपासून नाशकात मुसळधार पाऊस सुरु आहे. यामुळे शहरात पूरसदृश्य स्थिती उत्पन्न झाली आहे (Nashik Flood Situation). अनेक ठिकाणी रस्त्यांना नद्यांचं स्वरुप आलं आहे.
पावसाचा जोर वाढल्याने गंगापूर धरणातून 1713 क्यूसेक्स वेगाने गोदापात्रात पाणी सोडण्यात आलं. गोदावरीलाही पूर आला आहे. गोदावरी किनारी बुधवार असल्याने आठवडे बाजार भरला होता आणि या ठिकाणी व्यवसायिकांसह ग्राहकांची देखील गर्दी मोठ्या प्रमाणात होती.
