गेल्या दहा वर्षांपासून आमदार असलेल्या गोरेंनी दुष्काळी भागाचे प्रश्न सोडवण्यासाठी सत्ताधारी पक्षात जात असल्याचं सांगितलं. शनिवारी त्यांचा भाजपात प्रवेश होईल. यापूर्वी लोकसभा निवडणुकीतही त्यांनी भाजप उमेदवाराला मदत (Satara assembly seats) केली होती.
उदयनराजेंसोबत खटके उडाल्यानंतर नाराज असलेले राष्ट्रवादीचे दिग्गज नेते रामराजे निंबाळकरांनी राष्ट्रवादीची साथ सोडण्याचा निर्णय घेतल्याचं म्हटलं जात आहे. लवकरच ते भाजप प्रवेश करण्याची चिन्हं आहेत.
राष्ट्रवादीतील नेते निरा-देवघरच्या पाण्यावरुन भांडत असून खासदार उदयनराजे भोसले आणि रामराजे नाईक निंबाळकरांचा वाद योग्य नसून याचा फटका राष्ट्रवादी काँग्रेसला भविष्यात बसू शकतो.
रामराजे निंबाळकर वयाने मोठे आहेत म्हणून त्यांचा मान राखला. माझ्या वयाचे असते तर जीभ हासडून बाहेर काढली असती, असा हल्लाबोल उदयनराजेंनी केला. ते टीव्ही 9 मराठीशी बोलत होते.
रामराजे निंबाळकर यांनी माढ्याच्या पाण्यावरुन राष्ट्रवादीचे खासदार उदयनराजे भोसले, भाजप खासदार रणजितसिंह निंबाळकर आणि काँग्रेसचे आमदार जयकुमार गोरे यांच्यावर टीका करताना, त्यांचा उल्लेख पिसाळलेली कुत्री असा केला होता. या टीकेला आमदार गोरे यांनी आज उत्तर दिलं.