देशातील अनेक ठिकाणी पेट्रोलची किंमत प्रति लीटर 80 रुपये, तर डिझेलची किंमत प्रति लीटर 70 रुपये झाली (Petrel Diesel Prices in India) आहे. पेट्रोल आणि डिझेलच्या वाढत्या किमतीचा फटका सर्वसामन्यांना बसणार आहे.
कच्च्या तेलाची किंमत सध्या आहे तशीच राहिल्यास किंमती वाढू शकतात, असं हिंदुस्तान पेट्रोलियमनेही (एचपीसीएल) म्हटल्याने चिंता आणखी वाढली आहे.
सौदी अरेबियातील सरकारी मीडियाने गृहमंत्रालयाच्या हवाल्याने दिलेल्या वृत्तानुसार, सौदी अरामकोच्या दोन तेल प्लांटवर ड्रोन हल्ला (Saudi Aramco Drone Attack) करण्यात आला. हे दोन प्लांट अब्कॅक आणि खुरैस भागात आहेत. जवळपास दहाच्या आसपास ड्रोन पाठवण्यात आल्याचं बोललं जातंय.