पुण्यातील कोंढवा भागात काल (29 जून) मध्यरात्री दीड ते दोनच्या दरम्यान भिंत कोसळून भीषण दुर्घटना घडली. यामध्ये 15 मजुरांचा मृत्यू झाला. याप्रकरणी दोन बिल्डरांना न्यायलयाने 2 जुलैपर्यंत पोलीस कोठडी सुनावली आहे.
पुण्यातील कोंढवा भागात मध्यरात्री दीड ते दोनच्या दरम्यान भिंत कोसळून भीषण दुर्घटना घडली. दरम्यान या प्रकरणी पुणे पोलिसांनी बिल्डर पंकज व्होरा आणि जगदीश अग्रवाल यांच्यासह 8 जणांवर सदोष मनुष्यवधाचा गुन्हा दाखल केला आहे.
पुण्यातील दुर्घटनेनंतर मुख्यमंत्री देवेंद्र फडणवीस यांनी पुणे जिल्हाधिकाऱ्यांना सखोल चौकशीचे आदेश दिले आहेत. त्याशिवाय मृत्यू झालेल्या मजुरांच्या कुटुंबियांना प्रत्येकी 9 लाख रुपये, तर जखमींना प्रत्येकी 25 हजार रुपयांची मदत जाहीर केली आहे.
कोंढवा परिसरात कांचन कम्फर्ट या बांधकाम कंपनीच्या एका इमारतीचं काम सुरु आहे. त्यासाठी बांधकाम कंपनीने इतर राज्यांमधून मजुरांना येथे आणले.
पुण्यात भिंत कोसळून भीषण अपघात झाला आहे. यात जवळपास 15 जणांचा मृत्यू झाला आहे. ही घटना पहाटे 2 वाजताच्या सुमारास कोंढव्यातील तालाब कंपनीसमोर घडली.