DRDO: पायलट शिवाय ‘फायटर एअरक्राफ्ट’ चे उड्डाण; टेस्टमध्येच टेकऑफपासून लॅंडींगपर्यंतचे यशस्वी नियंत्रण विमानाकडेच…

ज्यामध्ये टेकऑफ, वे पॉइंट नेव्हिगेशन यांचाही यामध्ये समावेश होता. हे विमान पुढील पायलटविरहित विमानाच्या टप्प्यातील हे विकासातील मैलाचा दगड ठरणार आहे. स्वावलंबनाच्या दिशेनेही हे एक महत्त्वाचे पाऊल असल्याचेही म्हटले आहे.

DRDO: पायलट शिवाय 'फायटर एअरक्राफ्ट' चे उड्डाण; टेस्टमध्येच टेकऑफपासून लॅंडींगपर्यंतचे यशस्वी नियंत्रण विमानाकडेच...
महादेव कांबळे

|

Jul 01, 2022 | 9:21 PM

नवी दिल्लीः ‘फायटर एअरक्राफ्ट’ (fighter aircraft) या विमानाची खासियत ही आहे की, हे विमान पायलटशिवाय उड्डाण करणार आहे, फक्त एवढेच नाही तर हे विमान टेकऑफपासून ते लॅडींगपर्यंतचे सगळे नियंत्रण हे स्वतःविमानच करणार आहे. संरक्षण संशोधन आणि विकास संस्थेला (Defence Research and Development Organisation) अत्याधुनिक मानवरहित विमान विकसित करण्यात मोठे यश मिळाले आहे. त्यामुळे डीआरडीओकडून स्वायत्त फ्लाइंग विंग टेक्नॉलॉजी डेमॉन्स्ट्रेटरचे (Autonomous Flying Wing Technology Demonstrator)पहिले उड्डाण यशस्वीरित्या पारही पाडले आहे.

या उड्डाणाचे वैशिष्ट्य म्हणजे ते पायलटशिवाय उड्डाण करू शकते तेवढेच नाही तर टेकऑफपासून ते लँडिंगपर्यंतची सर्व कामे कोणाच्याही मदतीशिवाय स्वत: हाताळू शकणार आहे.

एरोनॉटिकल टेस्ट रेंजवर यशस्वी सराव

डीआरडीओकडून देण्यात आलेल्या निवेदनामध्ये स्पष्ट करण्यात आले आहे की, कर्नाटकातील चित्रदुर्गातील एरोनॉटिकल टेस्ट रेंजवर शुक्रवारी हा सराव करण्यात आला.

टेस्ट उड्डाणात यशस्वी उड्डाण

मानवरहित एरियल व्हेईकल (UAV) हे ‘ऑटोनोमस फ्लाइंग विंग टेक्नॉलॉजी डेमॉन्स्ट्रेटर’ म्हणूनही ओळखले जाते. या विमानाबाबत अधिक माहिती देताना संरक्षण मंत्रालयाकडून सांगण्यात आले आहे की, हे विमान पूर्णपणे स्वायत्त पद्धतीने चालवले जाणार असून टेस्ट उड्डाण केलेल्या या विमानाने यशस्वी उड्डाणही केले आहे.

विकासातील मैलाचा दगड

ज्यामध्ये टेकऑफ, वे पॉइंट नेव्हिगेशन यांचाही यामध्ये समावेश होता. हे विमान पुढील पायलटविरहित विमानाच्या टप्प्यातील हे विकासातील मैलाचा दगड ठरणार आहे. स्वावलंबनाच्या दिशेनेही हे एक महत्त्वाचे पाऊल असल्याचेही म्हटले आहे.

विमानाने घेतले स्वतःहून उड्डाण

या विमानाबाबत एएनआय दिलेल्या वृत्तानुसार डीआरडीओच्या निवेदनात म्हटले आहे की, या विमानाने यशस्वीपणे उड्डाण केले आहे, त्यासाठी लागणारा सरावही करण्यात आला आहे. या विमानाची झालेली निर्मिती धोरणात्मक पद्धतीने झाली असून संरक्षण तंत्रज्ञानामध्ये आत्मनिर्भर होण्याच्या दिशेने एक महत्त्वाचे पाऊल आहे. हे विमान एरोनॉटिकल डेव्हलपमेंट एस्टॅब्लिशमेंट, बेंगळुरू यांच्याकडून डिझाइन आणि विकसित केले आहे.


Follow us on

Related Stories

Most Read Stories

Click on your DTH Provider to Add TV9 MARATHI

राज्य चुनें