Amazon आणि Flipkart सेलमध्ये स्मार्टफोन खरेदी करायचा आहे? या मॉडेल्सचा नक्की करा विचार
तुम्ही देखील Flipkart आणि Amazon च्या सेलमध्ये नवीन स्मार्ट फोन खरेदी करण्याचा विचार करत असाल तर ही माहिती खास तुमच्यासाठी आहे.
मुंबई, ॲमेझॉन (Amazon) ग्रेट इंडियन फेस्टिव्हल सेल आणि फ्लिपकार्ट (Flipkart) बिग बिलियन डेज सेल 23 सप्टेंबरला सुरु झाला आहे. ई-कॉमर्स वेबसाइट Amazon आणि Flipkart वर सुरू झालेल्या सेमध्ये सर्वाधिक विक्री ही स्मार्टफोनची होते. यंदाच्या सेलमध्येदेखील स्मार्टफोन्सवर उत्तम ऑफर दिसत आहेत. जर तुम्हीही या सेलमध्ये सर्वात कमी किंमतीत सर्वोत्तम स्मार्टफोन शोधत असाल तर ही माहिती खास तुमच्यासाठी आहे. आज आपण 6 हजार ते 30 हजारांच्या किमतीत उपलब्ध असलेल्या सर्वोत्तम स्मार्टफोनबद्दल जाणून घेणार आहोत.
Realme C30
रियलमी कंपनीचा Realme C30 हा 6 हजारांपेक्षा कमी किमतीत सर्वोत्तम स्मार्टफोन आहे. हा फोन Flipkart वरून 5,699 रुपयांना खरेदी करता येईल. यासोबतच फोनवर कार्ड डिस्काउंटही मिळणार आहे. फोनमध्ये 6.5- इंची HD Plus डिस्प्ले आणि Unisoc T612 प्रोसेसर आहे. फोनमध्ये 3 GB पर्यंत रॅम आणि 32 GB पर्यंत स्टोरेज आहे. कॅमेराबद्दल बोलायचे झाले तर फोनमध्ये 8-मेगापिक्सलचा रियर कॅमेरा आणि 5-मेगापिक्सलचा फ्रंट कॅमेरा आहे. AI कॅमेरा सपोर्ट आहे. कनेक्टिव्हिटीसाठी यात 4G, GPS, हेडफोन जॅक आणि चार्जिंग पोर्ट आहे.
Redmi A1
Redmi A1 हा 6 हजारांपेक्षा कमी किमतीतही सर्वोत्तम पर्याय असू शकतो. Amazon वर या फोनची किंमत 6, 299 रुपये आहे, परंतु ऑफरसह, हा फोन 6 हजारांपेक्षा कमी किंमतीत खरेदी करता येईल. Redmi A1 120Hz च्या टच सॅम्पलिंग रेटसह 6.52- इंची HD+ डिस्प्ले आहे. फोनमध्ये ड्युअल सिम कार्ड सपोर्ट असेल. Redmi A1 सह MediaTek Helio A22 प्रोसेसर उपलब्ध असेल. याला Android 12 चे Go एडिशन मिळेल. यात 2 जीबी रॅमसह 32 जीबी स्टोरेज मिळेल, मेमरी कार्डच्या मदतीने 512 जीबीपर्यंत वाढवता येईल. Redmi A1 लाइट ब्लू, क्लासिक ब्लॅक आणि लाइट ग्रीन या तीन रंगांमध्ये खरेदी करता येईल.
iQOO Z6 Lite 5G
iQOO Z6 Lite 5G तुमच्यासाठी 15 हजारांपेक्षा कमीमध्ये सर्वोत्तम पर्याय असू शकतो. हा फोन Flipkart वर 14,699 रुपयांच्या किंमतीला लिस्ट करण्यात आला आहे. फोनसोबत 10 टक्के कार्ड डिस्काउंट आणि 5 टक्के कॅशबॅक देखील उपलब्ध आहेत. हा फोन जगातील पहिला Snapdragon 4 Gen 1 प्रोसेसरसह येतो. फोनमध्ये 6.58 इंच फुल एचडी प्लस डिस्प्ले आहे, जो 120Hz रिफ्रेश रेटसह येतो. फोनमध्ये Android 12 सपोर्ट देण्यात आला आहे. फोनमध्ये 6 GB सह 128 GB स्टोरेज आहे, जे विस्तारित रॅम 2.0 वैशिष्ट्यांच्या मदतीने 8 GB पर्यंत वाढवता येते. फोनमध्ये 50 मेगापिक्सेल प्राइमरी आणि 2 मेगापिक्सेल सेकंडरी मॅक्रो लेन्स आहेत. सेल्फीसाठी फोनमध्ये 8-मेगापिक्सलचा फ्रंट कॅमेरा आहे. तसेच, फोनमध्ये 5000mAh बॅटरी आहे आणि 18W फास्ट चार्जिंगसाठी सपोर्ट आहे.
Realme 9 Pro Plus 5G
20 हजारांपेक्षा कमी किमतीमध्ये Realme 9 Pro Plus 5G चा कॅमेरा आणि परफॉर्मन्स . फ्लिपकार्ट सेलमध्ये या फोनचा 6 जीबी रॅम आणि 128 जीबी स्टोरेज 17,999 रुपयांना आणि 8 जीबी रॅम आणि 128 जीबी स्टोरेज 19,999 रुपयांना खरेदी करता येईल. Realme 9 Pro Plus 5G मध्ये 6.4- इंची सुपर AMOLED डिस्प्ले आणि MediaTek Dimensity 920 प्रोसेसर आहे. फोनमध्ये 8 GB पर्यंत रॅम आणि 256 GB पर्यंत स्टोरेजसाठी समर्थन आहे. Realme 9 Pro Plus 5G मध्ये तीन रियर कॅमेरे आहेत ज्यात प्राथमिक लेन्स 50-मेगापिक्सेल Sony IMX766 आहे, ज्यामध्ये ऍपर्चर f1.8 आहे. यात ऑप्टिकल इमेज स्टॅबिलायझेशन देखील आहे. फोनमधील दुसरी लेन्स 8-मेगापिक्सेल Sony IMX355 वाइड अँगल आहे आणि तिसरी लेन्स 2-मेगापिक्सेल मॅक्रो आहे. फ्रंटला 16-मेगापिक्सलचा Sony IMX471 कॅमेरा देण्यात आला आहे. तसेच, फोनमध्ये 4,500mAh बॅटरी आहे आणि 80W फास्ट चार्जिंगसाठी सपोर्ट आहे.
Redmi K50i
Redmi K50i हा 25 हजारांपेक्षा कमी किंमतीला चांगला पर्याय आहे. या फोनचे प्रोसेसर याचे वैशिष्ट्य आहे. कंपनीने अलीकडेच Redmi K50i 5G 25,999 रुपयांच्या सुरुवातीच्या किमतीत लॉन्च केला आहे, परंतु फेस्टिवल सेलमध्ये तुम्ही ऑफरसह 20,999 रुपयांमध्ये खरेदी करू शकता. या फोनमध्ये MediaTek Dimensity 8100 प्रोसेसरसह 144Hz रिफ्रेश रेटसह 6.6-इंचाचा डिस्प्ले आहे आणि 67W टर्बो पॉवर चार्जिंगसाठी सपोर्ट आहे. फोनला डॉल्बी व्हिजनसह वॉटर रेसिस्टंटसाठी IP53 रेटिंग मिळते. फोनमधील रॅम प्रकार LPDDR5 आहे आणि स्टोरेज देखील UFS 3.1 सह उपलब्ध आहे. Redmi K50i मध्ये ट्रिपल कॅमेरा सेटअप आहे, ज्यामध्ये प्राथमिक लेन्स 64 मेगापिक्सेल आहे, दुसरा कॅमेरा 8 मेगापिक्सेल अल्ट्रा वाईड सेन्सर आहे आणि 2 मेगापिक्सेल मॅक्रो लेन्स उपलब्ध आहे. सेल्फीसाठी फोनमध्ये 16-मेगापिक्सलचा सेन्सर देण्यात आला आहे. फोनला त्याच्या कॅटेगरीतला सर्वात दमदार फोन म्हणता येईल.
