शिंदखेडा तालुक्यातील अंतुर्ली शिवारात गेल्या काही दिवसांपासून दहशत निर्माण करणाऱ्या बिबट्याला वन विभाग आणि स्थानिक ग्रामस्थांच्या तत्परतेमुळे यशस्वीरित्या रेस्क्यू करण्यात आले आहे. या मोहिमेमुळे स्थानिक शेतकऱ्यांनी आणि नागरिकांनी सुटकेचा श्वास सोडला आहे. अंतुर्ली शिवारात बिबट्या आल्याची माहिती मिळताच वन विभागाचे पथक आणि स्थानिक बचावकर्ते तात्काळ घटनास्थळी दाखल झाले.
