अंबरनाथच्या मोहनपुरम चौकातील रिद्दीसिद्धी गणपती मंदिराचा 12 वा वर्धापन दिन सोहळा शनिवारी भक्तिमय वातावरणात संपन्न झाला. वर्धापन दिनानिमित्त शेकडो भाविकांनी गणपती बाप्पाच्या दर्शनासाठी मोठी गर्दी केली होती. मोहनपुरम चौकात दरवर्षी गणपती मंदिराच्या वर्धापन दिनानिमित्त विविध धार्मिक कार्यक्रम आणि महाप्रसादाचं आयोजन केलं जातं. यंदाही हीच परंपरा कायम ठेवत मंदिर समितीकडून मोठ्या उत्साहात हा कार्यक्रम पार पडला.
