वाढत्या महागाईची झळ आता बदलापूरच्या जांभळांनाही बसलीय. किरकोळ बाजारात पावकिलो जांभळांसाठी ग्राहकांना 100 रूपये मोजावे लागतायेत. महागाई वाढल्यानं स्वस्त दरात जांभूळविक्री परवडत नसल्याचं आदिवासी महिलांचं म्हणणं आहे. अविट गोडीची काळीभोर जांभळं ही बदलापूरची खास ओळख आहे. बदलापूरच्या जांभळाला अधिकृतपणे भौगोलिक मानांकन म्हणजेच जीआय टॅग मिळालाय. मात्र महागाईमुळे यंदा जांभूळप्रेमींना खिशाला चाट द्यावी लागत आहे.
