फैजपूर येथील कृषी प्रदर्शनाच्या दुसऱ्या दिवशी केळी घड स्पर्धा व केळी पाककला स्पर्धेचे आयोजन करण्यात आले. या स्पर्धांना शेतकरी व महिलांचा उत्स्फूर्त प्रतिसाद लाभला. बक्षीस वितरण माजी आमदार शिरीष चौधरी यांच्या हस्ते झाले. डॉ. तुषार गोरे, केळी शास्त्रज्ञ यांनी केळी पिकावरील आधुनिक तंत्रज्ञानाची माहिती दिली. डॉ. अरुणा चौधरी यांनी केळी पाककलेतील पौष्टिकता, चव व दर्जा यावर भर देत केळीपासून बनणाऱ्या पदार्थांना प्रसिद्धी मिळणे आवश्यक असल्याचे सांगितले.
