छत्रपती संभाजीनगरातील गेवराई पायगावचे सरपंच मंगेश साबळे यांच्या समर्थनार्थ गावकरी मैदानात उतरले आहेत. जालना आणि छत्रपती संभाजीनगर जिल्ह्यातून मंगेश साबळे यांना तडीपार करण्याची नोटीस पोलिसांची दिली आहे.दहशत निर्माण करणे,मारहाण,धमकी,सरकारी कामात अडथळ्याचे आरोप मंगेश साबळे यांच्यावर आहेत.त्यांच्या विरोधातील दोन साक्षीदारांनी खोटी साक्ष दिल्याचा आरोप गावकऱ्यांनी केला आहे. सामाजिक प्रश्नावर आक्रमक आंदोलन करणारा सरपंच म्हणून मंगेश साबळे यांची ओळख असल्याने गावकऱ्यांनी आंदोलन केले आहे.
