नागपूरातील मानकापूर परिसरातील प्राचीन शिव मंदिरात श्रावण महिन्याचे औचित्य साधत 91 लाख मातीचे शिवलिंग तयार केले जात आहे. या ठिकाणी मुख्यमंत्री देवेंद्र फडणवीस यांनी आज भेट देत पूजा केली. यावेळी मुख्यमंत्री यांनी सुद्धा स्वतः एक मातीचे शिवलिंग बनविले. श्रावण महिन्यात दरवर्षी महिनाभर या मंदिरात मातीचे शिवलिंग बनविण्याचे आयोजन करण्यात येते. त्यात परिसरातील मोठ्या प्रमाणात नागरिक सहभागी होत असतात.
