शेतकऱ्यांच्या व्यथा, संघर्ष आणि आत्महत्यांच्या गंभीर प्रश्नावर भाष्य करणाऱ्या देऊळ बंद - 2 चित्रपटाची टीम शिर्डीत साईबाबांच्या चरणी नतमस्तक झाली आहे. चित्रपट प्रदर्शित होण्याअगोदर दिग्दर्शक प्रवीण तरडे यांच्यासह संपूर्ण टीमने साईंच्या समाधीचे दर्शन घेतले. यावेळी साई संस्थान प्रशासनाकडून टीमचा शाल आणि साईंची मूर्ती देऊन सत्कार करण्यात आला. विशेष म्हणजे या चित्रपटातून होणारी कमाई शेतकऱ्यांच्या मुला-मुलींच्या शिक्षणासाठी देण्यात येणार असल्याची घोषणा करताना दिग्दर्शक प्रवीण तरडे यांनी चित्रपटाच्या माध्यमातून शेतकऱ्यांना आत्महत्या थांबवण्याचा आणि परिस्थितीनुसार बदल करण्याचा संदेश देण्याचा प्रयत्न असल्याचं स्पष्ट केलय...
