छत्रपती संभाजीनगर विमानतळ परिसरात संशयास्पद ड्रोन आढळल्याने सुरक्षा यंत्रणेत एकच खळबळ उडाली आहे, टॉवर क्रमांक 7 जवळ झुडपात हा ड्रोन पडलेल्या अवस्थेत सापडल्याने सुरक्षेच्या दृष्टीने मोठा प्रश्न निर्माण झाला आहे. प्राथमिक तपासात हा पॉवर फोल्डिंग प्रकारातील आधुनिक ड्रोन असल्याची माहिती समोर आली असून केंद्रीय औद्योगिक सुरक्षा दलाच्या जवानांनी तात्काळ घटनास्थळी धाव घेत तपास सुरू केला आहे.
