महाराष्ट्राची चेरापूंजी अशी ओळख असलेल्या आंबोलीत आज पर्यटकांनी गर्दी केली आहे. विकेंडच्या सुट्टीचे निमित्त साधून हे पर्यटक मोठ्याप्रमाणात आंबोलीत दाखल झाले आहेत. सध्या आंबोलीत आल्हाददायक वातावरण असून अधूनमधून पावसाच्या सरी येत आहेत. उंच डोंगरातून कोसळणारा धबधबा व अधूनमधून येणाऱ्या पावसात भिजण्याचा आनंद पर्यटक घेताना पाहायला मिळत आहेत. जिल्ह्यातील पर्यटकांसोबतच कोल्हापूर, बेळगाव, गोवा याठीकाणाहून पर्यटक सध्या आंबोलीत मौजमजा करण्यासाठी दाखल झाले आहेत.
