देशभरात लाडक्या बहिणी आपल्या भावांना राखी बांधून रक्षाबंधन साजरा करत आहेत. संगमनेरमधील थोरात आणि तांबे या राजकीय परिवारानेही पारंपरिक पद्धतीने रक्षाबंधनाचा हा सण साजरा केला.काँग्रेसचे ज्येष्ठ नेते बाळासाहेब थोरात यांनी संगमनेरमध्ये त्यांची बहीण दुर्गा तांबे यांच्या निवासस्थानी रक्षाबंधन सण साजरा केला. दुर्गाताई तांबे यांनी बाळासाहेब थोरात यांना औक्षण करून राखी बांधली आणि शुभेच्छा दिल्या.माजी आमदार सुधीर तांबे यांनाही मानलेल्या बहिणीने राखी बांधत रक्षाबंधनाचा सण उत्साहात साजरा केला.
