कांदा व मक्याला हमी भाव मिळावा या मागणीसाठी नाशिकच्या चांदवड येथील शेतकऱ्यांचे आमरण उपोषण संपताच आता कळवण तालुक्यातील शेतकऱ्यांनी कळवण कृषी उत्पन्न बाजार समितीच्या आवारात शेतकऱ्यांनी आमरण उपोषण सुरू केले असून, उपोषणाचा आजचा दुसरा दिवस आहे. यावेळी शेतकऱ्यांनी जोरदार घोषणाबाजी केली. कांद्याला उत्पादन खर्चावर आधारित 3 हजार रुपये प्रतिक्विंटल हमीभाव द्यावा, विकलेल्या कांद्याला 1200 रुपये प्रमाणे अनुदान द्यावे. 2400 प्रतिक्विंटलने दराने पुन्हा मका खरेदी केंद्र पुन्हा सुरू करावे, शेतकऱ्यांची सरसकट कर्जमाफी करावी यासह विविध मागण्यांकडे उपोषणाद्वारे लक्ष वेधण्यात आले आहे.
