वैजापूर तालुक्यातील तलवाडा घाट परिसरात सायंकाळी ढगफुटीसदृश मुसळधार पावसाने मोठे नुकसान झाले आहे. शिऊर बंगला ते नांदगाव या मार्गावर सुरू असलेल्या रस्त्याच्या कामादरम्यान असलेला पूल पाण्याच्या प्रचंड प्रवाहात पूर्णपणे वाहून गेला आहे. त्यामुळे या मार्गावरील वाहतूक तात्काळ बंद करण्यात आली असून नागरिकांना पर्यायी मार्गाचा वापर करण्याचे आवाहन करण्यात येत आहे.
