छत्रपती संभाजीनगरमध्ये मकरसंक्रांतीनिमित्त साड्यांवरील मोठ्या सवलतीची ऑफर चर्चेचा विषय ठरली आहे. पाच हजार रुपयांची साडी अवघ्या 199 रुपयांत मिळणार असल्याचा दावा करणारी रील सोशल मीडियावर व्हायरल होताच संबंधित दुकानाबाहेर महिलांची प्रचंड गर्दी झाली. खरेदीसाठी एकच झुंबड उडाल्याने परिस्थिती नियंत्रणाबाहेर गेली. या गोंधळात तीन महिला बेशुद्ध पडल्या, तर गर्दी आवरण्यासाठी दुकान मालकाला शटर बंद करावे लागले आणि पोलिसांना पाचारण करण्यात आले. पोलिसांच्या हस्तक्षेपानंतर परिस्थिती नियंत्रणात आली.
