पुणे जिल्ह्यातील चाकण येथील एचपीसीएल कंपनीच्या बाहेरही त्याचे परिणाम जाणवत असून गॅस सिलेंडर भरण्यासाठी वाहनांच्या रांगा लागल्याचे पाहायला मिळत असून घरगुती ग्राहकांना गॅसचा पुरवठा सुरळीत राहावा यासाठी कंपन्यांकडून सध्या व्यावसायिक वापरासाठी दिल्या जाणाऱ्या गॅस सिलेंडरच्या पुरवठ्यावर मर्यादा आणण्यात आल्या आहेत. त्यामुळे व्यासायिक गॅस उपलब्ध होत नसल्याने चाकण येथील एचपीसीएल कंपनीच्या बाहेर वाहनांच्या लांबच लांब रांगा लागल्याचे चित्र दिसत आहे. गॅससाठी तासन्तास प्रतीक्षा करावी लागत असल्याने चालकांनाही मनस्ताप सहन करावा लागत आहे. पुढील काळात गॅसचा पुरवठा सुरळीत झाला नाही, तर परिस्थिती आणखी बिकट होण्याची भीतीही व्यक्त केली जात आहे.
