जळगावच्या चोपडा नगर परिषदेच्या हळदी कुंकू कार्यक्रमावेळी गोंधळ उडाल्याने महिला एकमेकींच्या अंगावर कोसळल्या. अनेक महिलाना वाण भेटलेच नाही त्यामुळे चोपडा नगरपरिषदेच्या नियोजनावर महिलांनी नाराजी व्यक्त केली.नगरपरिषदेच्या नाट्यगृहात कार्यक्रमवेळी दीप प्रज्वलन करताना माचिस आणि मेणबत्ती नसल्याने आणि पाककला स्पर्धा उद्घाटन वेळी फीत कापताना कैची नसल्याने मान्यवरांना वाट पाहावी लागली.नवनियुक्त नगराध्यक्षांच्या उपस्थितीत नगरपरिषदेत होणाऱ्या पहिल्याच कार्यक्रमात नियोजनाचा अभाव,गोंधळ उडाल्याने शहरात हा चर्चेचा विषय बनला आहे.
