जळगावच्या चाळीसगाव येथील पोस्ट ऑफिसमध्ये पैसे जमा करण्यासाठी आलेल्या एका महिलेच्या कापडी पिशवीतून अज्ञात दोन महिला चोरट्यांनी ब्लेडच्या सहाय्याने पिशवी कापून ५० हजार रुपये चोरल्याची घटना घडली आहे. सीसीटीव्ही फुटेजमध्ये दोन संशयित महिला पोस्ट कार्यालय परिसरात फिरताना दिसून आल्या असून, रेहानाबी शेख यांच्या तक्रारीवरून चाळीसगाव शहर पोलिस ठाण्यात चोरीचा गुन्हा दाखल करण्यात आला असून पुढील तपास पोलीस करीत आहे.
