बुलढाण्यातील मिर्झा नगर परिसरात बिबट्याची दहशत पुन्हा वाढली आहे. रात्री साडेनऊच्या सुमारास बिबट्या रहिवासी वस्तीत शिरल्याचे सीसीटीव्हीमध्ये कैद झाले. नेहमी मध्यरात्री येणारा बिबट आता वर्दळीच्या वेळी येत असल्याने नागरिकांमध्ये प्रचंड भीतीचे वातावरण आहे. वन विभागाने तातडीने कारवाई करावी, अशी संतप्त मागणी होत आहे, कारण या भागात बिबट्याचे दर्शन अनेकदा झाले आहे.
